Popular Bible Verses from Marcos 5

Share

Cacëxun ca Jesusan cacëxa: —'Ën cana mi pëxcuti 'ai quixun asérabi sinani camina pëxcúan. Usai camina 'itëcëniman. Chuámashi 'aish ca cuantan.

A unicama nëbë́tsi ca achúshi xanu 'insíncë 'iacëxa. Usa 'aish ca a xanu mëcën rabë́ 'imainun rabë́ baritia imia 'aíshbi aín imi nëtë́cëma 'iacëxa. A xanux ca 'aisamaira rucuturucamanuax pëxcúcasi ro mëëquin paë tënëquin aín ñucama ñancábi cëñuibi pëxcúama 'icën.

Ticaíshi ca aín imicë nëtë́acëxa. Usai nëtë́quin ca aín nami chuámarua tancëxa.

Atsínxun mëínquin biquin ca xu xanu cacëxa: —“Talíta cumi”. Talíta cumi quicë ax ca: Xu xanu, mi cana cain, ca nirut, qui quicë 'icën.

Usaquian Jesusan cacëbëtanbi ca aín xubunuax uquin unin anua judíos unicama timë́ti xubunu 'icë 'apu, Jairo, a cacëxa: —Min bëchicë ca ñuaxa. Ca 'aíma 'icën. Usa 'ain ca Jesús ñancábi buánxunma 'at. Caia cuaquin ca Jesusan a 'apu cacëxa: —Racuë́axma ca 'it. 'Ën cana mi 'aquinti 'ai quixun ca sinan.

Usaria ca Jesusan ñunshin 'atima cacëxa: —Ñunshin 'atima, ënë uninuax ca chiquit. Cacëxun ca munuma cuëncë́nquin Jesús cacëxa: —Dios, naínu 'icë, aín Bëchicë Jesús camina mix 'ain. ¿Uisati caramina 'ë ubíoin? Diosan cuamainun cana mi cain, 'ë tëmëramixunma ca 'at. Cacëxun ca Jesusan ñucácëxa: —¿Uisa cara min anë 'ic? Quia ca cacëxa: —Nuxnu 'itsa 'ain ca 'ën anëx 'Ëxcuira 'icën.