Popular Bible Verses from Mateo 27

Share

Usai 'icëbë bari pëquitëcëntishi 'ain ca Jesús munuma cuëncëni quiacëxa: “Elí, Elí, lama sabactani”. Usai quicë bana, ax ca —'ën Papa Dios, 'ën Papa Dios, ¿uisa cupí caramina 'ë ëan? —qui quicë 'icën.

Jesús bamacëbë ca Nucën Papa Diosan 'imicëx anuxun a rabiti xubu mëu anun bëpáncë chupa aín manámiucüaxbi shimúqui amo rabë́ 'inun tuquiacëxa. Usai 'icëbëa me shaíquicëbë ca maparacamaxribi tuquibuacëxa. Tuquimainun ca mapara quiniocë anu uni bamacë mëníocëcama axribi turabëacëxa. Turabëcëbë ca anuax Nucën Papa Diosnan 'aísha bama unicamax baísquiacëxa.

Usa 'ain ca munuma cuëncë́ntëcënishi Jesús bamacëxa.

Me shaíquimainuan usai bëtsi ñuribi 'ia isi ca suntárunën cushibëtan an unínma Jesús i curúsocënua nanpatia quixun a bërúancë suntárucamaxribi 'aisamaira racuë́acëxa. Racuëti ca —ënë unix ca asérabi Diosan Bëchicë 'iaxa —quiax quiacëxa.

Usa 'ain ca bari xamárucëbëbi me bëánquiacëxa. Bëánquiax ca rabë́ 'imainun achúshi hora bari pëquitëcëancëxa.

Cacëxun ca Pilatonën cacëxa: —¿Barrabás chiquíanan Cristo cacë ënë 'ën uisoti caramina cuëënin? Cacëx ca quicancëxa: —Bamatanun ca i curúsocënu matás. Quicania cuaquin ca Pilatonën cacëxa: —¿Añu ñu 'aisama cara 'ax? Cacëxbi ca unicama munuma cuëncëni quitëcëancëxa: —Bamatanun ca i curúsocënu matás.