Popular Bible Verses from Hebrews 8

Share

'Et dáhoont'ah 'aw ts'ah'un cha'hust'en t'eh, 'et huwa bugha té'unteszeh. 'Ink'ez hubulubeshi 'ink'ez sk'unúcha'ust'en, 'et 'i ts'iyawh 'o 'un 'aw huba whunaoolhunih ghait'ah.”

Et hukw'elh'az Israel buzkehkah soo k'andit, 'i khunek huba lhaídutesdlilh. Ndez na'a ndótet'ilh, suk'ah ts'ih 'et hubeni taóodutesdlelh, 'ink'ez hubudzi k'ut chah 'uk'e'tesgus. 'Ink'ez si hubuYak'usda tesdleh, 'ink'ez 'en sudune hutele.

Hoh t'eh ts'iyawh 'ilhunuh hinli hoh 'uskehyaz 'ink'ez ye 'un hudedoh bulh 'ilho, Si t'esontezeh. 'Et datést'ilh, 'et huwa hubéghah whut'i, k'us dudulhutsinkah 'aw 'ilhunuh whunts'i, doo chah zeh ‘neMoodihti bugha hoodulh'eh!’ hudooni huba cha'hoot'ah.

'Ink'ez Yak'usda, 'en ts'iyawh hukwa' hubudáni. 'Et whuz na'a bughunek 'uk'e'edúguz hoh njan ndutni, “Sih soo zélhts'ai, 'ilhudzin whuz de whélts'ulh, 'et whusawhélts'ut t'eh, 'et Israel hubuyun k'ut húdelhts'i, 'ink'ez Judah hubuyun k'ut húdelhts'i, 'en chah njan k'andit khunek huba lhaídutesdlilh.

'Aw 'et njan daja uzdani, soo ts'ah'un na'a t'ewhunoohzeh nuhts'u húkwa 'uzninzun, nuwheni neba náwhulnuk degha nus dezti ts'it'i, ndun yak'uz k'us úncha, 'en bukw'usúda cho dézti, 'i nalhnih ts'ih yughu nátl'adeda.