Popular Bible Verses from Rom 8

Share

Häte y'ahanej tä wichi tä ihumin Dios, häp n'amel tä Dios t'än n'amehen mälhyej lham lenech'ethayaj, nilhokej m'ak at chik häpe chik in'amejen tach'ot n'amehen yämthilek n'aisej.

Okachuhit'a tä kalelhäj tä ihichet'a m'ak chik ikalhi chik n'aitiyej kanhihlä häp Dios lehumnhayaj, tej chik n'ot'ilek, wok n'ow'atshancheyaj, wok ángeles, wok ahät lhayis, wok n'okhajyhayajay tä iche puleye, wok häp m'ak tä iche athana, wok m'ak tä ihichela, wok m'ayhay tä ikaphä, wok m'ayhay tä ichufwi honhat, wok Dios lhenek at chik häpe. ¡Ihichet'ala m'ak elh at chik häpe chik ikalhi chik isohla n'amejen häp Dios lehumnhayaj tä iti n'amejen, häp tä isej Cristo Jesús Lhawuk!

Wet Espíritu tä Dios T'amajchet tach'ot n'amehen tä lhahusey nitkhajayahen. Y'ahanhiyejt'a lhat'alhyaj tä is alhoho chik y'awoye, mat Espíritu lham t'at tä lhaip'altsene Dios lhatapehen, häp tä isej lhämtes tä nehit katsik ihanej chik iten.

Tä mälhyej tä oyämetso, ¿atsi ilhämet chik y'awoye? Tä Dios it n'amejen, ¿atsi tä ikalh n'amhiche? ¡Ihichet'a!

Häp wichi tä hap'akej Cristo Jesús, kalelhäj letes ihichet'a.

Wet chik ts'ilak m'ak tä olham ohuminche tä oyenpej tichunhayaja, ot'ilek t'at. Mat chik häpe m'ayhay tä tälhe Espíritu tä Dios T'amajchet tä oyenpej tichunhayaja, ow'atshancheyaj ihi lhäy'e otamsek.

Mat tej tä ichepej m'ayhay tä mälhyejentso, ¡y'akalhi t'at, wet nem koyhyaj tä y'akalhi!, tsi n'aisej häp lham tä n'aihumnhen.

Oyok, häp n'owujyaj tä isi tä lhain'älthila n'amejen chik paj, lhäy'ehila lhip chik inuhla'pe häp lhateläythayajay tä in'amejen fwalasna.

Tä mälhyejtso, ¿atsi tä ikalhi chik n'aitiyej kanhihlä häp Cristo lehumnhayaj? ¡Ihichet'a! Tej chik lhateläythayaj, wok atha lhan'äyij, wok wichi iti n'amejen laka'tshayaj, wok häp tä y'achuyuhen, wok häp tä newache lhaw'uy, wok lhawit'äyhyaj ihi, wok chik y'aleyej honhat.

Wet Dios tä hiw'en m'ak tä ilech'oye elhpej lehusek, nitäfwelej wet ihanej t'at Espíritu letichunhayaj, tsi Espíritu iwo t'alhyaja'pe Dios leles mälhyej Dios lenech'ethayaj.

Nilhokej wichi tä Dios laka Espíritu t'at tä ipäyne m'ak tä lhamel iwoye, häpehen Dios leles.

Häp wichi tä ilhäjlhahlä lhamel lenech'ethayaj, ts'ilak t'at lhamel t'akänyajay tä yenpej tichunhayaja. Mat häp iyhäj tä ilhäjlhahlä Espíritu tä Dios T'amajchet, ts'ilak t'at m'ayhay tä tälhe lham Espíritu tä yenpej tichunhayaja.

Tsi tä lham nin'äyayej n'amhohen häp Lhäs, mat yachaje t'ilek yämthilek y'alhokej n'amel n'aisej, tä mälhyejtso, kalelhäj tä häte hiw'enlat n'amhohen nilhokej m'ayhay.

Tsi Espíritutso lhaip'ajtej n'amel lhahusey, wet häp tä ifwenho elh weihalhapej n'amel wet yok, “Matche, ahäpe t'at Dios leles elh.” Tä mälhyejtso, häte n'amel lhäy'e Cristo tä n'alewuhuyla häp Dios lakäpfwayajay tä isen tä pajche lham t'amajejo leles. Tsi chik y'atn'isej Cristo tä y'awo lhateläythayaja, häpkhilek lewujyaj tä isi ihlat n'amejen.

Lhamel tä hits'ilkat m'ak tä lhamel ihuminche tä yen tichunhayaja, häpehen iyhäj tä tatayhlä Dios, wet ihanhiyejt'a iwoyneje yämthilek iwoye Dios laka Ley.

Wet nilhokej m'ayhay tä Dios lhenhay lhäy'e lhip tä nakelej chik nichäte lewhäy chik Dios itäfwnhatej lhamel wichi tä häpehen lham leles.

Y'ahanej tä nilhokej Dios lhenhay äytaj tä ihi yäk athana, wet wuj tä iteläytej, hätet iwoye atsinha tä iwo lhäsa.