Popular Bible Verses from Rom 2

Share

Mat yaelh, tej tä letiyej letes häp iyhäj, mat leten t'at m'ak tä lhamel iwoye. Tä mälhyejtso, ¿hä lefwetaj letafwayhiyeja Dios lakalelhthayaj? ¿Wok elat lhen w'et m'ayeka Dios lep'altsenyaj tä wuj tä ahip'altsen wet iteläyit amej wet tach'anlha ame? ¿Elat lehanhiyejt'a tä häpe lep'altsenyaj tä iti amej yämlek lewo ahusek elha?

Wet am, yaelh, tä letiyej letes wichi iyhäj, ahäte ates ihi, tej tä ahäpe elh tä len'ohyaj ihi wok laj han'ohyaja. Tsi tä letiyej letes iyhäj, häte leti amej ates, tsi lewoye t'at m'ak tä lhamel iwoye.

Tsi Dios hiw'awlhatejchä wichi täjna.

Tsi wichi tä iläte m'ak tä Leytso yäme mat niwoyaye, letes ihi. Mat iyhäj tä iläte wet iwoye, häp tä Dios hi'isyen.

wet iwohla lahayayej elhpej mälhyej m'ak tä iwoye.

Mat häp lhamel tä äkleyhtses, wet iwom m'ak tä matche, wet lhaip'ajtej lesukyajay, Dios itihiyeja lewäk lhäy'e letasnhayaj.

Matkat am tä ahäpe elh tä lhait'unhat wet tek let'uhläk lewo ahusek elha, tä mälhyejtso, leskon atape n'otasnhayaj tä Dios itihla amej häp Ifwala chik hin'älthila lewäk lhäy'e lakalelhthayaj tä is alhoho