Popular Bible Verses from Mat 26

Share

Yej lemähen mat woyay alhyaja häpkhilek nikalha amhihen n'olhelhtshayaj. Tsi ohanej tä let'uhläk lewoyaye olhämet, takhajayhen t'at ahusey, mat asanis takhajayhihent'a.

Wet tahuyej lhamel wet yok: –Olät lhame tä ofwitajayaj wuj tä ilänn'o. Lew'enay tä omähit'a, mälhe ayej kana amel, häte yej lemähen.

Wet yik tä lhaitontehlä lhimphaj häp lhamel, wet takhos katsi wet lhaip'altsene Dios tä yok: –Ijcha, chik iche elh on'äyij, fwayhat n'oyej olhät tä tapayna tä häpe oteläythayaj. Mat oyok, woye m'ak tä am anech'ethayaj, isit'a chik häpe olham onech'ethayaj.

Häp täja ow'oyis tä nitsäyhchä häpkhilek wujpe wichi tä isej wet tatäy t'at lesukyajay. Tsi häp ow'oyisna yäm kalelhäj Dios lhämet tä hit'unteji m'ak tä iwoye.

Tä lhamel t'ekhen, Jesús tachuma pan, wet iwo graciasayej Dios, wet hich'esajen wet hiw'enho lechufwenkay wet yok: –Chumaye, tufway, häp täja ot'isan.

Wet äp tachuma n'olhäthi tä vino ihi, wet iwo graciasayej Dios, wet hiw'enho lhamel wet yok: –Yäyej täja, nilhokej amel.

Tä ileyej, wet tapile lechufwenkay wet hiw'en tä imähen. Wet tahuyej Pedro wet yok: –¿Hä amel tek lekalhayhi chik kamäyahen lhimphaj, mälhyej tä n'am mä?

Ofwen amhohen tä nemla oyäyej vino pajla'tha oi'amejen tä y'ehi Ojcha Leniyatyaj, nech'ehilak olhamel oyäyej vino tä nech'ayek.

Wet Pedro nech'e lehusekch'oye Jesús lhämet mathi tä yok, “Chik kamaj n'ipa ho'o, ihihila tres chik lhäme tä katäfwela n'oyej.” Wet Pedro yikch'oye tä ihi wet wuj tä tafwlhi.

Neyachephä, n'ekhen. Lhek yahinya, näm alhoho häp elh tä yachajn'o.

Mat Jesús tahuyej elhtso wet yok: –¡Achajo lehi afwajnhat! Elh chik häpek yen khajyhayaja n'ofwajnhat, n'ofwajnhatlak ilän.