Popular Bible Verses from Mat 24

Share

Wet tä lhäy'ehila lhip m'ak tä ni'isa, wujla'pe oka wichi tä nemhit lhaihumnhen. Mat elh chik nileyayej mat tujlhache t'at yäk lepes, häpkhilek tafway.

Wet häp N'osilätyaj tä Isna tä yäme Dios Niyatyaj õ'wohla siläta'pe imälhewek honhat, yämthilek nilhokej wichi tä ihiche honhates iläte. Wet nech'e häpkhilek näm lepes.

Wet leläthiyela tä õyäme n'oka'tshayajay tä ni'tosayehen lhäy'e tä toye tä ihiche honhates tä atosehen. Mat yej nuhata amhohen, tsi ihichela tähestso, mat kamaj häpkhit'ala lewhäy tä lepes.

Tsi wichi tä ihiche honhates tatayhlawek, wet niyatey iwohla laka'tshayajayej niyatey iyhäj. Wet ihichela nehläs lhäy'e honhat w'ahu tä äytesiche tä ihiche honhates. Mat nilhokej tähesna hätehlat iwoye atsinha tä nech'e iwo tesa tä lhailät tä takaw'ahan.

Häp pule lhäy'e honhat nemla iche, mat olhämtes ihichepeja, nofwit'ala.

Tsi wujla'pe lhamel tä nämhihena wet yenla lheya olham olhey, yohlak, “Ohäpe N'ofwayhthi tä Dios Chenek.” Wet lhamel iwetahatla wujpe wichi.

“Wet amel õyachajila amehen ateläythayaj, wet õ'ailänhihena, wet tä ahäpehen iyhäj tä ihänlhin'o, nilhokej wichi n'äyihila amhomche. Wet häp lewhäytso wujla'pe wichi chik ilehla n'oyej wet n'äyihila lhamhomche, wet elhpej yachajiyela lepuhfwa häp wichi tä n'äyiho. Wet n'änhila wujpe iyhäj tä fwetaj häpehen Dios lhämetwos, wet iwetahatla wujpe wichi.

Jesús nichulho wet yok: –Uyayhlä, häpkhilek nehit katsik aiwetahat.

Häp tä tamenej, häte amel awaklhathen, tsi fwala chik tek lhenayek nämla Hin'o Lhäs, häpkhilek näm.”

“Wet häp tä mälhyej'attso, oyok, Yej lemähen, tsi lehanhiyejt'a fwala chik Awuk nämla.

“Mat häp fwala wok hora tä häpkhila, nehit katsik ihanej, tej tä Lhajcha laka ángeles tä ipuleye, lhäy'e lham Lhäs, ihanhiyejt'a, tajlhamat lham Lhajcha tä ihanej.

Tsi n'änhila häp hin'ol tä fwetaj häpehen N'ofwayhthi tä Dios Chenek, wok fwetaj häpehen Dios lhämetwos. Lhamel yenlawethä letetnhay tä wus tä iselkatejen wichi, tsi t'uhläk iwetahat iyhäj tä pajche Dios tatshupiye, chik ikalhi p'iya.

“Mälhyej fwalas p'ante Noé ihi, häp tä mälhhiyejattso fwalas chik Hin'o Lhäs tapil. Tsi häp lewhäy p'antetso tä kamaj ninäma pelhay tä wuj, wichi t'ekhen wet iyä wet tawhayeyhen, lhamel tek itiyej chik lewit'äyhyaj ihichela, pajtha nichäte fwala tä Noé tiyäjo barca, wet näm pelhay wet ichäj nilhokej lhamel yäk tatäy. Häp tä mälhhiyejattso chik tapil Hin'o Lhäs.