Popular Bible Verses from Mat 16

Share

Wet nech'e Jesús ifwenho lechufwenkay wet yok: –Elh chik häpe chik t'uhläk yen hänekan'o, is chik lhaifwonlä lham lenech'ethayaj wet tilhäj laka cruz wet nek n'okwe.

Wet häte ofwen amho, ahäpe “Tunte”, wok oyok, Pedro, wet häp tuntena häpkhilek oyen lefwetesa oka wichi tä häpe Dios leles, wet n'ot'ilek lakhajyhayaj tek ikalhihila lhamel.

Ow'enla amho Dios Niyatyaj laka llaves, wet m'ak at chik häpe chik lefwenho oka wichi wet lhok, “Isit'a, yej woye”, - häte Dios n'äyhiyejola. Wet m'ak at chik häpe chik lefwenho oka wichi wet lhok, “Häp tä is, woye t'at”, - häte Dios iwahnhiyeja.

Tsi elh chik nit'uyahläk leteläythayaj ihi, tatäyhla. Mat häp elh chik matche tä ihänlhin'o wet ninowayaye leteläythayaj, häp tä lew'atshancheyaj ihiyeja.

¿Atsi m'ak chik hin'o isej chik ikalhi p'iya nilhokej m'ayhay tä ihi honhat, mat lham tatäy? Wok ¿chihätefwaj m'ak chik tiskanejpe p'iya yämthilek õyachaje lew'atshancheyaj?

Wet Jesús yok: –¿Wet cho amel, atsi tä lhenayek ohäpe? Simón Pedro nichulho wet yok: –Ahäpe N'ofwayhthi tä Dios Chenek, häp Dios tä n'ilataj tä Lhäs.

Tä Jesús iläte, wet yok: –¡Dios lakäpfwayaj tä is i'amej, Simón, Jonás lhäs! Tsi niwohit hin'o chik itäfwnhat amej täjtso, mat Ojcha tä ihi pule häp tä itäfwnhat amej.