Popular Bible Verses from Gál 6

Share

Tä mälhyejtso, isit'ak y'at'elej tä y'awoye m'ak tä is. Tsi che y'alhaikhajyenhen, y'akalhihila m'ak tä is tä tälhe lhachumet, che nichäte lewhäy.

Häp tä tamenej tä oyok, Tä y'ahanejpej y'awoyneje, n'atch'oteje nilhokej iyhäj häp m'ak tä is, mat is che nem koyhyaj che y'atch'ote lhapuhfwas tä ichaye Jesucristo.

Ch'oteje aelh m'ak tä iyej, wet che lewoye täjtso, häp tä lewoye Cristo laka Ley.

Yej kan amejen. Ihichet'a elh che häpe che ihanej iwoyneje che fwetaj iläkwlhi Dios. Tsi y'ahanej tä hin'o tä tutchey, wet m'ak tä itihchä, häpe t'at tä ilanhi m'ak tä tälho.

Wet häp tä mälhyej'attso, elh che iwoye m'ak tä lham t'at tä lenech'ethayajay, ikalhihila m'ak tä tälho lenech'ethayajay, tä häpe t'ilek. Wet elh tä iwoye m'ak tä ikänitlhi Dios laka Espíritu, ikathiyeja m'ak tä tälho Espíritu, tä häpe lew'atshancheyaj tä t'un.

Ipuhfwas, che iche aelh che õhw'enej tä iwoye m'ak tä nit'uhawetayej, amel tä atkhajayejen Dios laka Espíritu, p'altsen wet neyhatphä, wet ch'ote yämlek ileyej wet yachajo tä iwoye m'ak tä is alhoho. Mat amaj amej, tsi elat n'olhelhtshayajtso nichät ame.

Tsi che elh fwetaj len'ohyaj ihi, mat kahäpeya, lhaifwech'enlhi t'at. Is che elh weihalhapej itetshan m'ak tä iwoye. Wet che is, häpkhilek tek w'et akäjlhi lhamej, wet tek lhaichäjejlhi m'ak tä iyhäj iwoye. Tsi elh weihalhapej tilhäjla t'at m'ak tä lham lelhuk.