Popular Bible Verses from Gál 3

Share

Mat Cristo n'aitiyej kanhihlä lhawit'äyhyaj tä tälhe Ley p'antetso tä lhayen leläneka häp lhawit'äyhyajtso yämthilek n'amel n'aisej. Tsi N'olesaynek yok, “Dios takäpfwayeje lewit'äyhyaj elh at chik häpek õ'fwuhthilhi hal'ä.”

Nemhit õ'tetshanej elh tä Judío wok elh tä kahäpeya, wok elh tä n'okwenek wok elh tä kahäpeya, wok elh tä hin'o wok atsinha. Tsi tä alep'ajtayej Cristo Jesús, wet nilhokej amel aweihalhahchä.

Wet tä ahäpehen iyhäj tä Lewuk Cristo, ahäpehen Abraham leles tä lepes lheley, wet alewuhuy t'at m'ak tä Dios ifwenho p'ante häp lham.

Wet tä Cristo lhaiwoynejetso, häpkhilek Dios lakäpfwayaj tä is p'ante ifwenho Abraham, häte nichäte wichi tä kahäpeya Judío lhayis. Wet häp tä y'alhokej n'amel y'akatej Dios laka Espíritu tä lham ifwenho p'ante, häp tä isej lhachayaj tä y'atiyej Jesús tä häpe N'ofwayhthi tä Dios Chenek.

Wet kalelhäj t'at tä ihichet'a elh at chik häpe chik iwoye m'ak tä Ley p'ante tälhe Moisés ne'tek iwoye wet Dios hi'isyen. Tsi N'olesaynek äp yok, “Häp elh tä lechayaj tamenej tä Dios hi'isyen, häp tä lew'atshancheyaj ihihila.”