Popular Bible Verses from Ezeq 37

Share

Wet häp tä Lhawuk tahuy n'oyej tä yok: –Hin'o, en ämeta olhämet tä ofwenho n'olhileytsi tä lhok, “N'olhiley tä tamchächehen, ch'ahuyaye Lhawuk lhämet tä yok, Ow'enla amhohen haw'atshancheyaj häpkhilek yachajo tä leläyhen.

Ow'enla amhohen asätäy lhäy'e asanis, wet op'ohiyeja atapehen äj, wet ow'enla amhohen haw'atshancheyaj wet yachajihola tä leläyhen. Wet nech'e lehanhiyeja tä olham tä ohäpe Awuk Dios.”

Wet Lhawuk yäm n'oye tä yok: –Hin'o, ¿hä lefwetaj n'olhileytsi yachajo tä iläyhihena? Wet onchulho tä oyok: –Iwuk Dios, am tä lehanej chik mälhhiyejatso.

Lhawuk iti n'o'pe takwey wet laka Espíritu yik n'ochufwi, iti n'ohi honhat tä w'awulhchä tä ihi tachenhas chowej, tä nulis tä wichi lhiley tapoyej tä ihi. Wet häp tä Lhawuk ilunkat n'okwe nilhokej häp lhipey tä nulis ihi, wet imälhewek honhattso tä wuj n'olhiley tä i'pe, wet matche tä tamchächehen.

Wet ofwenho lhamel Dios lhämettso. Wet tä kamaj oyämhoplhi t'at lhamel, wet oläte häp honhat w'ahu tä näm, lepak äytajiy. Wet häp tä n'olhileytso nech'e t'u lhamchehen wet elhpej ihi t'at lhip tä lew'et. Wet tä oyahin, wet ow'en lesätäy tä näme lhamel, wet nech'e inuphä t'isanis, wet nech'e häp tä t'äj hip'o'pe lhamel. Mat kamaj lew'atshancheyaj ihihichet'a.