Popular Bible Verses from Éx 9

Share

Mat tek oailän häpkhilek lew'en t'at okhajyhayaj, yämthilek nilhokej wichi tä i'pe honhat nitäfwel n'oyej.

Lhawuk tahuyej Moisés wet yok: –Mäh hoye Egipto kaniyat wet fwenhola, olak, “Hebreo lhayis Lewuk Dios yok, Wahintshi oka wichi yämthilek n'okwi n'oyej.

Chik opäynhin'aj ame okhajyhayaj wet otasnhin'aj amej n'owit'äyhyaj, lhäy'e aka wichi, chik mälhyejtso athana nemhit lheche.

ochätyenla'pe okhajyhayaj häp nilhokej aläy wet ihichela t'inhayaj tä wuj tä ni'isa. Y'inhihena yel'atas, asnolis, camellos, w'asetas, tson'atas lhäy'e kayla lhayis. Mat tek oy'ajthiyela Israel lhayis läy, häpkhilek niwohit elh tefwajnik y'il.

Tä mälhyejtso, chik fwala, häp horana, otsäyhlahchä kalatu tä wuj, häp kalatu tä tek ihanej chik ihi Egipto, tälhe tä nech'e iche p'ante yäk nämena. Tä mälhyejtso, tihi lew'et tä is häp aläy lhäy'e nilhokej m'ak tä lew'en tä i'alhoye. Tsi kalatu tä nämla ilänla nilhokej wichi lhäy'e itshätäy chik newachufwi hup.”

Mok'otajtso lhaiwelanthila lemoka wet yafwthi ichäjla'pe imälhewek honhat. Wet chik nitsäype wichi lhäy'e itshätäy tä ihi Egipto, amostas ilänhihena. Wet Moisés lhäy'e Aarón tachuma mok'otaj tä ihi n'onhonthi wet ichäj tä ihoye niyat. Tä nichäte, Moisés itsäyphä wet wichi lhäy'e itshätäy amostas ilänhen.