Popular Bible Verses from Dan 9

Share

Wet owo ot'alhyaja tä oyok: –Iwuk Dios tä N'owujtaj wet äp atkhajay, lhäy'e tä ahumnhayaj ihi, tek letäyhat ämet tä pajche lewoyeje wichi tä aihumin wet äp iwoye ämtes.

Dios tä oalewuk, lhek tetshan wet ch'ahu n'oyehen. Fwoyenchehen atey, yahin olhamel olhaklis lhäy'e aka hupuy tä wasi. Tä olhamel olhaip'altsen ame, khit'a tä ofwetaj oisen t'at, tajlhama tä ot'uhläk oisej hap'altsenyaj tä wuj. ¡Iwuk, ch'ahu n'oyehen! ¡Täyhat olhamel otes! ¡Tetshan n'ohen wet ch'ot n'oyehen! ¡Dios tä oalewuk, yej apajejlä, häpkhilek len'älit t'at tä ahäpe Dios! Tsi Alewuk hupuy tä Jerusalén lhäy'e wichi.”

Wet owo ot'alhyaja tä olhaip'altsene Lhawuk Dios, wet olhaichuyhat, otw'uyhiche ow'uyis tä yelaj wet nech'e ottayhiphä mok'otaj.

Iwuk Dios, ahäpe elh tä lep'altsenyaj ihi wet letäyhtejen letes wichi, tej tä olhamel ottay ahilä wet otch'ahuhit'a ame, wet owohiyet'a ämtes tä akawos profetas ifwel n'ohohen.

Wet niyat tä oyämetso tä häpe Dios letayhfwa, ne'tehlak wujpe wichi lhaip'ajtej häp lham. Yämla äytajche lhämet tä iwoyeje pajla'tha siete nekchämis. Wet chik nichäte lechowej häp nekchämistso, ilehthiyeja wichi chik iwo t'awayhata häp Dios, nemla tach'anlhayek yen n'okhayajayej itshätäy tä õ'länhen. Wet niyattso yenhilhila m'ak tä tanhowatnhan tä hich'atej tä ni'isa, itihlawhäye altar tä n'on'okhayajw'et, pajla'tha Dios ichätyenpe lewit'äyhyaj niyattso, nofwila, tafwaytshi, mälhyej tä Dios pajche yäme.”