Popular Bible Verses from Ap.Lh 20

Share

M'ak at che häpe tä owoye amel lew'en, wet is che mälhyejtso, chumwethä wet ch'otehen iyhäj tä iwatlä m'ayek. Tichunche Lhawuk Jesús lhämtes tä yop'antekwe, Dios lakäpfwayaj iyej elh tä tachumlä t'awayhat, mat lhäy'e lhip lakäpfwayaj tä iyej elh che iwo t'awayhata.”

Mat ch'ääj, tek onowayej letape tähestso, olhayen w'et m'ayeka. Tsi tajlhama tä ot'uhläk otujlhache on'äyij yämlek onchäte lepes wet ohämit ochumet tä Lhawuk Jesús inachaj n'oye, tä ne'tek oyen lhämeta Dios Silätyaj tä Is tä hin'älit lep'altsenyaj.

Tä mälhyejtso, yej tekm'ahatwethä mat amaj amejen wet uyehen nilhokej Dios leles. Tsi pajche Espíritu tä Dios T'amajchet ayen häpeya lewos yämlek let'uyehen wichi tä Dios yen lelesa tä ichäjej p'ante Lhäs lew'oyis tä nitsäyhchä.

“Athana is che Dios t'u amehen wet tach'ot amehen. Ti amejen lhämtes tä lep'altsenyaj ihi tä ihanej iwoyneje che ikhajyen amejen ekhahyaj wet hiw'en amhohen lakäpfwayajay tä isen tä lewuhuy nilhokej Dios leles.