Popular Bible Verses from 2~Cor 9

Share

Wet Dios ihanej chik yäm wuj lakäpfwayajay tä isen tä w'enhahiche chik hiw'en amhohen, häpkhilek lajit lepesa tä ipej amejen nilhokej m'ayhay tä lewatlä. Chik mälhyejtso, lew'en m'ak tä naya amejen yämthilek lech'otyeneje achumtes tä isen.

Elh weihalhapej is chik m'ak tä iwom häpe t'at m'ak tä pajche yen tichunhayaja. Häpkhit'a m'ak tä nhuminak iwoye wok lhainityenej chik iwoye. Tsi elh tä akäjlhi tä iwo t'awayhata, häp tä Dios ihumin.

Tetshan olhämetna. Elh tä lhimphaj tä tutchey, lhimphaj lhay tä ihutwek, wet elh tä wuj tä tutchey, wuj lhay tä ihutwek.

Dios hiw'enho n'utchenaj häp yachuyaj lhoy yämthilek tutchey, lhäy'e lhäk yämthilek tufw. Wet häp tä hätet iwoye, hiw'enla amhohen lhoy tä häpe ha'isyaj, yämthilek wujpe lhay tä tälh amehen. Wet ichihelthila yämthilek lew'enay nilhokej akäywet wet wuj tä lehanej lewoyneje chik lech'otyeneje m'ak chik iyhäj isej. Wet häp t'awayhat tä lechene lhapuhfwas, lhamel iwohla graciasayej Dios chik olhamel oyachaje lhamel.

¡Owo graciasayej Dios tä hiw'en n'amho lhatw'ayhat tä lhäy'e lhip tä isilataj! ¡Ihichet'a olhämet chik w'awulhej!