Popular Bible Verses from 2~Cor 5

Share

Wet häp tä mälhyejtso, chik iche elh tä hap'akej Cristo, n'äl tä Dios inech'aynhi lhenek. Tajyäme m'ayhay tä pajche, nech'e iche m'ayhay tä nech'ayhis.

Cristo häpe Elh tä newache lech'isukyaj chik iwoye. Mat Dios yen n'amel lhach'isukyaj menhata, häpkhilek tatäy t'at lhates häp n'amel tä y'ap'akej Cristo.

Athana y'ahanhiyejt'a y'awoyneje yämthilek lhattelhoy hiw'en Lhawuk, mat y'alhaitsokejwethä häp lhachayaj.

Nilhokej tähestso Dios t'at tä yenlhi. N'ahip'ajtit lhamej häp tä n'aisej Cristo, wet hiw'en n'ohohen ochumet wet olhayen lewosa yämthilek wichi hap'akej häp lham. Wok oyok, Dios hip'ajtit lhamej wichi häp tä isej Cristo, wet nemhit yen tichunhayaja lech'isukyajay. Wet häp tä hiw'en n'ohohen ochumetna yämthilek otäfwnhatej wichi häp täjtso.

Tä mälhyejtso, ohäpehen Cristo lakachenhay, wet tä oyen lhämeta Dios Silätyaj, mälhyej chik Dios lham t'at tä inityen wichi. Wet tä Cristo lhämet n'oyejen, olhamel onityen amejen, oyok, ¡Ap'ajtayej Dios!

Oyok, Cristo y'ilpe nilhokej, häpkhilek lhamel tä iläyhen nemhit iwoye m'ak tä lhamel lenech'ethayaj, mat iwoye lenech'ethayaj häp Elh tä y'ilpe lhamel wet inuphä tä tälho n'op'itseyhay yämthilek lhamel isej. Wet häp tä nemhit olhamel oten wichi letichunhayaj chik häpe chik itiyej elh chik häpe. Tej tä mälhyejtetso otichunhayaj tä otiyej Cristo, mat nemhit mälhyejtso fwalasna.

Tsi Cristo lehumnhayaj lhayen niyatayej olhamel, tälhe tä olhamel ohanej tä iche Hin'o weihalha tä y'ilpe nilhokej wichi, wet äp tälhe täjtso nilhokej wichi lep'itseyhay t'at.