Popular Bible Verses from 2~Cor 1

Share

Owunit Lhawuk Jesucristo laka Dios wet äp Lajcha, tsi lham häpe t'at Lhajcha tä hip'altsen n'oyehen, wet häpe Dios tä ikhajyenpej ohusey tä olhamel olhakli ihi. Lham ikhajyenpej olhamel tä oteläythayaj ipej n'oyejen, yämthilek häte olhamel okalhi chik okhajyenhen lehusey häp iyhäj tä leteläythayaj iyejen, wet och'otyeneje okhajyhayaj tä lham hiw'en n'ohohen.

Tsi tä wuj tä olhamel otn'isej Cristo tä leteläythayaj iyej, häte wuj tä Dios ikhajyen ohusey häp tä oisej Cristo.

Olhamel oyok, “Oyenek matche, lhakapes täja.” Wet tä n'am t'ekha lhamehen, oisej otichunhayajtso tä ot'ekhaye Dios, häp lham tä inuhatchephä n'op'itseyhay.

Dios tatshupi n'amehen wet hit'untej n'amhiche lham Cristo, wet iti n'amejen letetnek tä kalelhäj tä n'amel Lhawuk t'at häp lham. Wet itihiche lhahusey laka Espíritu tä T'amajchet, tä häpe lhip tä ichunkat n'amehen tä tälhe m'ak tä hiw'enla n'amhohen chik nichäte lewhäy.

Oteläythayaj ipej n'oyejen yämthilek amel ahusey isej wet afwayhyaj i'amejen. Wet Dios ikhajyenpej olhamel ohusey yämthilek häte amel akhajyhayaj ihi, wet nech'e lekalhi t'at ateläythayaj tä hätet iwoye m'ak tä olhamel oteläytej.