Popular Bible Verses from Romanos 6

Share

Pues tin e axin uche e mab'amb'anir c'ani atojya taca e chamer, pero lo que Cadiosir c'ani uyajc'on non xe' war aquetpa intera cab'ijnusiaj taca Cawinquirar Jesucristo jax e cuxtar xe' machi tua' ac'apa.

Y machi ixto tua' ac'otori más e mab'amb'anir tamarox umen que machi ixto turox yeb'ar uley e Moisés, sino que coner turox yeb'ar utacarsiaj e Dios.

Pues conda ch'ujyon quetpon b'an cocha jay ixion chamayon ani taca e Cristo, y que mujcon tacar ub'an. Pero de allí sujta b'ixq'uesnon otronyajr tujam e chamenob' taca e Jesucristo tua' caturuan imb'utz tut e Dios. Pues sujta b'ixq'uesna e Jesucristo tujam e chamenob' tacar uc'otorer Catata Dios, y jax e c'otorer era ub'an xe' tua' utacrion caturuan imb'utz tut e Dios coner.

Y ira iwajc'u iwerir tua' ac'ampesna umen e mab'amb'anir tua' uche lo que majax bueno. Sino que ajc'unic ib'a e Dios tua' ixixin iche lo que erach tut jaxir, b'an cocha inte' xe' c'apa chamay y de allí sutpa b'ixc'a tujam e chamenob' y coner machi ixto tua' uche más e mab'amb'anir.

Y canata que e mab'amb'anir lo que war ani ac'otori macuir cawalma chamay taca e Cristo tut e cruz, y b'an cocha era quetpa tijresb'ir uc'otorer e mab'amb'anir tama cawalma tua' machi uyub'i asutpa uyareon tuc'a tua' cache otronyajr.

Y b'anox nox ub'an que uc'ani tua' ib'ijnu que chamenox tut e mab'amb'anir, pero que b'ixirox tut e Dios cocha intera ib'ijnusiaj taca Cawinquirar Jesucristo coner.

Pues ¿c'ani ca caware que: “Cachic más e mab'amb'anir tua' aquetpa más chequer utacarsiaj e Dios?” Machi. Pues non xe' chamayon tut e mab'amb'anir ma cocha erer caxin caturuan tama e mab'amb'anir otronyajr.

Nox inata que jay manox tua' inte' patrón, uc'ani tua' iche tunor lo que uyareox. Y b'an cocha era aquetpa tama tunor cacuxtar ub'an, jay manox tua' e mab'amb'anir, entonces ixtojya tama e chamer. Pero jay manox tua' e Dios, ixixin ich'ami e c'otorer tua' ixturuan erach tut jaxir.

Pero gracias a Dios que nox mix jax manox tut e mab'amb'anir coner, sino que war ixc'upseyan taca tunor iwalma tut e canseyaj tua' Catata Dios lo que cay cansenox. Pues nox c'otoy corpesnox tama uc'otorer e mab'amb'anir, y quetpox manox tua' iche lo que erach tut e Dios.