Popular Bible Verses from Romanos 4

Share

Pero e Abraham machi uchoqui ucojcseyaj y machi usati uc'upesiaj tamar lo que arena umen e Dios, sino que más ch'i' uc'upesiaj tama e Dios. Y jaxir war utattz'i uc'ab'a e Dios axin. Porque jaxir unata ixto tama uyalma que e Dios ayan uc'otorer tua' ac'apa uche tunor lo que arob'na umener.

B'an cocha ch'ar tz'ijb'ab'ir tama uyojroner e Dios: “Nen c'ani inchiet iquetpa tatab'ir tua' meyra gente tama tunor or e rum”, che e Dios. Y tamar era chequer que e Abraham c'upseyan tama e Dios xe' jax Cadiosir xe' ayan uc'otorer tua' usuti ub'ixq'ues e chamenob', y xe' ayan uc'otorer tua' uyare achecta lo que ma ani tuc'a.

Y e Jesucristo era jax xe' ajc'una tua' achamay tama tunor camab'amb'anir, pero de allí sujta b'ixq'uesna tujam e chamenob' tua' uchion caquetpa erach tut e Dios.

Entonces motor que matuc'a tamar tua' ucojco e Abraham cocha onian winiquix, pero jaxir c'upseyan tama e Dios y ucojco que b'an cocha arob'na umen e Dios y b'an tua' aloc'oy. Y tamar era c'otoy quetpa tatab'ir tua' meyra gente. B'an cocha arob'na umen e Dios y che: “Meyra maxtac tua' watar tamar ach'ajnar”, xe' arob'na umen e Dios.

Entonces quetpa chequer que lo que arob'na umen e Dios tama e herencia era tua' a'jc'una tunor umaxtac e Abraham, pero quetpa tua' a'jc'una ub'an tacar utacarsiaj e Dios tunor tin e ac'upseyanob' tamar. Y tamar era lo que arob'na umen e Dios tama e herencia era majax jax taca tua' tin e ac'upseyanob' tut uley e Moisés, sino que tua' tunor tin e ac'upseyanob' tama e Dios b'an cocha cay uche e Abraham tama e onian tiempo. Pues tamar era e Abraham c'otoy quetpa tatab'ir tua' tunoron xe' war cac'upseyan tama e Dios coner.

Chojb'esb'ir e winic xe' c'umpa e Dios tacar tama tunor umab'amb'anir, y chojb'esb'ir e winic xe' machix irna más umab'amb'anir umen e Dios. Y chojb'esb'ir e winic xe' machix c'ajpesna umab'amb'anir umen e Dios. B'an ch'ar tz'ijb'ab'ir tama uyojroner e Dios.

Pues ch'ar tz'ijb'ab'ir tama uyojroner e Dios que: “E Abraham cay c'upseyan tama e Dios, y tamar era ch'ajma umen e Dios que erach.” B'an ch'ar tz'ijb'ab'ir tama uyojroner e Dios.