Popular Bible Verses from Romanos 2

Share

Pero net xe' nipiaret xe' tuet e Israel ub'an, net war aware que mab'amb'an lo que war uchiob' e inmojr winicob' era, pero b'an taca war ache net ub'an. Y tamar era c'ani inwaret que ma cocha erer icorpa tamar ujatz'uar e Dios jay warto ache e mab'amb'anir cocha era. ¿O war ca ab'ijnu que matuc'a uc'ampib'ir que meyra ayan uc'unir e Dios y que ayan meyra ucojcseyaj y que jaxir tz'ustaca turu? Net machi war anata que jax taca uc'unir e Dios era que war upejquet tua' awacta tunor amab'amb'anir y tua' isutpa ic'upseyan tut jaxir.

Y net xe' nipiaret, matuc'a tamar tua' alocse ab'a tama tunor era umen taca que net aware que mab'amb'an uwirnar e inmojr winicob' tamar lo que war uchiob'. Pero tamar era net war ache juzgar ab'a porque net ub'an war ache b'an taca lo que war uchiob' e inmojr era. Entonces ¿machi ca war ache juzgar ab'a tua' i'xin ijajtz'a net ub'an?

Porque e Dios war uwira tuc'a tuc'a war uchiob' tunor e gente, y jaxir c'ani uyajc'u inte' inte' winic lo que tawar tua' uch'ami. Pues e Dios machi war uwira tia' ajlugar tin e war uche lo que imb'utz.

Entonces lo que war che tunor era jax era: Que machi acorpesna inte' winic umen taca que axin uyub'i lo que ch'ar tz'ijb'ab'ir tama uley e Moisés, sino que tin e axin ac'upseyan tut e ley era jax tin e tua' acorpesna.

Pues Catata Dios axin utoyi inte' inte' winic lo que tawar tua' uch'ami. Axin uyajc'u utuanib'ir tunor tin e cay uchiob' lo que bueno, pero axin uwatz'i tunor tin e cay uchiob' lo que mab'amb'an.

Pero ayan tin e war ub'ijnu tamar taca ub'a, y war uxejb'e ut lo que erach, y war uche intaca lo que mab'amb'an. Tunor tin e axin uchiob' cocha era c'ani ajajtz'ob' nojta taca tunor uq'uijnar e Dios.

Pero net lo que cay ache: Aq'uec'ojse awalma tua' machi isutpa ic'upseyan tut e Dios. Y tamar era war ab'orojse e sian jatz'uar lo que tua' ac'axi tama ajor tama e día conda achecta watar Catata Dios tua' uchectes tunor uq'uijnar upater tin e cay uchiob' e mab'amb'anir.