Popular Bible Verses from Filipenses 1

Share

Y innata ixto que Cadiosir xe' cay uyustes tunor icuxtar conda cay c'upseyanox tamar, machi tua' uyacta uche tunor era este que asutpa watar e Cristo Jesús otronyajr.

Pues lo que war inc'ajti taca e Dios tamarox jax era: Que nox tua' iyajta ut ib'a más, y que tua' inata más tama Cadiosir, y que tua' ixc'otoy inata lo que war che tunor uyojroner e Dios. Y war inc'ajti taca e Dios tamarox tua' ib'ijnu tin tua' isajca xe' más bueno tua' aquetpa imb'utz tunor icuxtar, y war inc'ajti taca e Dios que machi tua' atajwina nien imb'ijc e mab'amb'anir tama icuxtar conda asutpa watar e Cristo.

Porque coner cocha turento tara tor e rum, turen tua' taca inche lo que uc'ani e Cristo. Pero jay inxin inchamay, pues taniut nen más ani bueno, porque tamar era nen tua' inxin inquetpa taca Niwinquirar.

Pues iraj iraj conda inc'ajpesox inxin intattz'i e Dios tamarox.

Entonces turb'anic ib'a tua' iche tunor lo que uc'ani tua' ixquetpa tawar tamar uyojroner e Cristo. Y tamar era jay uyub'ien inc'otoy o jay machi uyub'ien inc'otoy c'ani umb'i tic taca tia' turen que nox war ixq'uec'o ixxana tama ub'ir e Dios. Y turb'anic ib'a tua' ixquetpa intera ib'ijnusiaj tunorox tua' ichecsu que erach e c'upesiaj tama e corpesiaj lo que ayan tama e Cristo.

Y nen era lo que war imb'ijnu tua' inche y lo que war incojco tua' inwira anumuy jax era: Que ma tia' tua' insub'ajra onjron tamar Cawinquirar sino que c'ani inq'uec'o tama niwalma tua' intattz'i uc'ab'a e Cristo iraj iraj, motor que turen tara tor e rum o motor jay inchamay y inxin tut e q'uin.

Y tamar era ajc'unox tama e Cristo tua' ixc'upseyan tamar, pero majax jax taca era sino que uc'ani tua' inumse ib'a upater ub'an umen que war ixxana tama ub'ir e Cristo.