Popular Bible Verses from Hechos 9

Share

Pero ojron Cawinquirar otronyajr y che: —Quiqui, porque nen insicb'ix e winic era tua' axin uyare e gente tamaren xe' majax tuob' e Israel. Y esto tut e nuxi ajc'amparob' tua' axin uchecsu tunor nic'ab'a. Y b'an tua' uche tut e gente tama e Israel ub'an.

Entonces e Saulo cucrema tut e rum y cay uyub'i inte' nuc xe' ojron tacar y che: —Saulo, Saulo, ¿tuc'a tua' war aturb'a ab'a tua' achien innumse nib'a? che e ojroner xe' uyub'i tama e janch'aquenar era. Entonces ojron e Saulo y uyub'i tua' tin e war o'jron tama e janch'aquenar era y che: —¿Chiet net, Niwinquiret? che e Saulo. Y ojron e nuc tama e janch'aquenar otronyajr y che: —Nen e Jesús xe' war aturb'a ab'a tua' achien innumse nib'a. Pero lo que war ache tama tunor era intaca war anumse ab'a b'an cocha incojt wacax conda war uyajc'u inte' patada tut inte' suste' lo que q'uecher umen e ajcojc wacax, que jax taca war uxeq'ue ub'a tamar, y b'an war anumse ab'a net era, che e Jesús.

Entonces ixin e Ananías uche b'an taca cocha arob'na umen Cawinquirar y ixin esto tia' turu e Saulo. Y conda ochoy tama e otot ixin upacb'u uc'ab' tama ujor e Saulo y che: —Hermano Saulo, Cawinquirar Jesús xe' jax xe' checta toit tama e b'ir tia' war ixana, jax xe' ojron tacaren ub'an y uyaren tua' inyopa toit tua' impacb'u nic'ab' tama ajor tua' uyub'iet iyeron otronyajr y tua' ab'utc'a awalma taca Unawalir e Dios, che e Ananías. Y wacchetaca ojri tama unac'ut lo que b'an cocha usujr e chay, y tamar era uyub'i e'ron otronyajr. Entonces achpa e Saulo y ixin ch'ujya.