Popular Bible Verses from Hechos 7

Share

Y e nuquir winicob' war uriob' e Esteban taca e tun tua' uchamsiob'. Pero jaxir war upejca uc'ab'a Cawinquirar y che: —Niwinquiraret Jesús, ch'ama niwalma era, che e Esteban. Y tamar era e Esteban cotuan y ojron tama inte' nuxi nuc y che: —Niwinquiraret, ira ac'ajpes umab'amb'anirob' e gente era. B'an che e Esteban. Y conda c'apa ojron, chamay.

Tunor ut e q'uin jax niturtar, che Cawinquirar Dios, y or e rum jax e lugar tia' inwab'u nioc tua' injiri. ¿Y tuc'a otot war ib'ijnu tua' iche tamaren? che Cawinquirar Dios. ¿Y tuc'a lugar war ib'ijnu iche tua' injiri nen tamar?

Pero jaxirob' umaquiob' uchiquinob' taca uc'ab'ob' y cay ojronob' tunorob' taca inte' nuxi nuc y ixiob' ajner tut e Esteban y cay uchuquiob' y ucachiob'. Y cay uq'uechiob' ixin, war utacsuob' y war uquerejb'ob', uq'uechiob' ixin esto tuti' e chinam. Y cay uchamsiob' e Esteban taca e tun. Y tin e cay utuch'iob' era xe' jax xe' war uchamsiob' e Esteban cay ucoriob' int'ojr ub'ujc y uyactob' tut inte' ch'om sitz tua' ucojco. Y e sitz era uc'ab'a Saulo.