Popular Bible Verses from Hechos 4

Share

Pues tamar taca jaxir erer cacorpesna, porque matuc'a otronte' c'ab'a yeb'ar ut e q'uin xe' ajc'una tua' unatob' e gente tara tor e rum que tamar erer cacorpesna. Jax taca tama uc'ab'a e Jesucristo que erer cacorpesna, che e Pedro.

Y conda c'apa uc'ajtiob' taca e Dios cocha era chincha or e rum tia' turob' y b'utc'a uyalmob' tunorob' taca Unawalir e Dios y cay uchecsuob' uyojroner e Dios tic taca, y machi war ab'actob' uchiob'.

Y era Cawinquiraret, ch'ujcun awira que war aq'uijnob' e nuquir winicob' era este que c'ani ub'ajc'usionob' que c'ani uq'uechion caxin tama e cárcel jay cojron más tama ac'ab'a, pero non era war cac'ajti tacaret tua' aq'uec'ojsion meyra tua' caxin cachecsu más tunor awojroner, y cac'ajti tacaret tua' alocse tunor e b'ajc'ut lo que ayan tama cawalma.

Pues e Jesús jax e tun xe' chocb'irix imener, y nox larox tacar cora ajcheyaj otot xe' ichoqui e tun era acb'i y coner war asutpa ic'opi. Pero coner e tun era war aquetpa lo que más ayan uc'ampib'ir.

Pues entonces conda e nuquir winicob' tama e concilio uwirob' que machi war ab'actob' tua' o'jronob' e Pedro y e Juan, y conda c'otoy unatob' que e winicob' era mamajchi umen cansenob', y que jax taca cora choquem winicob' era, b'actob' uwirob' y c'ajpa umenerob' que e winicob' era jax tin e xanob' taca e Jesús y que tamar era ayan uc'otorerob'.

Pues entonces tunor tin e ajc'upesiajob' tama Cawinquirar quetpob' taca intera ub'ijnusiaj, y b'an war unatob' tama uyalmob' ub'an. Y mamajchi war ub'ijnu que tuach taca lo que ayan tua', sino que tunor e ajc'upesiajob' war uxeriob' tunor lo que ayan tuob' taca e inmojr.