Popular Bible Verses from 2 Corintios 9

Share

Porque Cadiosir uyub'i uyajc'on meyra tacarsiaj tama tunor lo que uc'ani inte' tua' atz'acta tunor lo que uc'ani tama uyotot, y tua' atz'acta ub'an tua' utacre e inmojr tin e matuc'a ayan.

Pero inte' intion uc'ani tua' caxin cawajc'u e ofrenda b'an cocha cab'ijnu tama cawalma, porque machi tua' cawajc'u umen taca que ayan tin e war uyareon que b'an uc'ani tua' cache. Pero uc'ani tua' cawajc'u taca tunor cawalma, porque Cadiosir uyajta ut tin e war atzay uyajc'u uyofrenda.

Entonces c'aric imener tamar era: Que tin e axin upaq'ui imb'ijc, pues imb'ijc taca tua' uch'ami tamar ub'an. Pero tin e axin upaq'ui meyra, c'ani axin uch'ami meyra tamar ub'an.

Pues jax Cadiosir xe' war uyajc'u tunor ut e semilla tin e tua' apacma, y jax ub'an xe' war uyajc'u e comida lo que tua' uc'uxi inte'. Y jax Cadiosir era ub'an xe' tua' axin uyajc'on tunor e tumin lo que uc'ani tua' uyub'ion cawajc'u e ofrenda b'an cocha jay ut e semilla era ani. Y jaxir tua' axin uch'ijrse tunor cawofrenda era b'an cocha jay jax ani cajinaj. Y jaxir tua' axin utoyon meyra ub'an tama tunor lo que caxin cache xe' imb'utz b'an cocha jay jax ani lo que war cach'ami tama tunor lo que war capaq'ui. Y Cadiosir tua' uche achecta meyra lo que ayan ticab'a y tamar era uyub'ion cawajc'u meyra tama e ofrenda. Y de allí umen que nox war iwajc'u e ofrenda era y war iweb'ta axin, nox war iche que tin e war uch'amiob' e ofrenda axin uyajc'uob' meyra tattz'arsiaj e Dios tama tunor era.

¡Catattz'ic uc'ab'a Cadiosir tama e nuxi tacarsiaj lo que ixin uyajc'on que machi uyub'ion cab'isi porque nojta meyra tama tunor!