Popular Bible Verses from Romanos 9

Share

Ascano non tapitiro futsan shinanquin, —Diosin ua shara huashopainon, —ishon shinantiro iyamarai, —Un Upa Dios yonoshosharatiro ahuun rafanan ua inansharatiroran, —ishon non shinanfiatirocai anorima. Upa Diosin afin nocohuun ramapaiquin noco catontiro non ahuun yorafo non inon noco inansharashquin.

Upa Diosin yoini isca huaquin, “Nan un noipaiyaifin un noitiroquin. Nanscarifiai nan un ahuun ramapaiyaihuurifi un ramapaitiroquin,” ishon Upa Diosin Moisés yoini.

Ma. Asca huayamacahuun. ¿Ahuuscain min Upa Dios tafipaimun? Minfin nocofunuquin. Aafin Diosiquin. Ahuara onihuamuatocai yoiqui isca huatiroma, —¿Ahuuscain mian iscara onihuamun? —huatiroma.

Ascacun non tapitiro Upa Diosin futsa ahuun ramapaiyaihuunri ramapaitiroquin. Nanscarifi aquin futsan chaca huafafaina cuscan shatuamashu ointi mutocoin imatiro.

Cutin onihuamisiton mapo nan apaiyai cuscara shara cutin huatiro. Futsa amuran ahuara chaca nanuti huafain futsa amuran ahuara shara nanuti huatiro.