Popular Bible Verses from Salmos 51

Share

Upa Diosin, uhuun nomuran ua afanan funa shara huashohuun un afanan ahuashta chaca shinanonma. Uhuun nomuran afanan ua funa cuscaran imahuu mian yoiai cuscan un ariscanon.

Nan un mia icoinra huaquin tau huainifoannaitian un fasi unimacoinni. Ua afanan nansca huaquin unimamahuu. Uhuun nomuran ua shinanmahuu min ua yoiai cuscan un anon.

Mimaquishon ua potayamafain min Yoshin Shara umaquinoa nichiyamapun.

Shinanquicain afanan non mia asca huapaima. A non chaca huamisifohuunoa shinain nocon nomuran non isincointiro. Ascacun nocon chaca non shatupaicoin miqui nasoshquin. Upa Diosin, non ascaitofin min fasi fuchipaicoinquin.

Uhuun Diosin, minfin noco noipacunacaquin. Min nocohuun noiquin unupacunacama. Ascacun uhuun ramapaihuu. Min fasi nocohuun ramapai. Ascan un mia chaca huamisi cuscan ua soashohuun. Un fasi chaca huacoina cuscan nantifi ua chocafain ua turuahuu.

Uhuun chaca ua soashohuun un afanan mia cuscaran sharacoin inon. Ua nashimai cafisca huahuu uhuun nomuran un afanan choshta itama un yoa furoamua ointsa oshopa cuscara shara inon.

Un mia fusti chaca huaiton min oiancai min ua yonoa cuscan un huama. Ascaiton min uhuunoa yoia cuscan nantifishon tapishquicani icocoincun. Icon un mia chaca huamisi.