Popular Bible Verses from Salmos 107

Share

Nan Ifo Diosifin sharaquin. Nanton nocohuun noipacunaca. Ascacun yoicahuun isca huaquin, —¡Aicho, Ifon! Min noco shara huafafainiran, —ishon yoicahuun.

Nocon Ifo Diosifin ahuun tsainmansi ato caya huaniquin. Man naaqui rashquiaifoan ato numani omitsiscanonfoma.

Man mato numaqui nocon Ifohuunoa yoiquin isca huacahuun, —¡Aicho, Ifon! Min fasi nocohuun noiquin unupacunacama. Min noco sharahuafafainmisiran, —ishon yoicahuun. Tsoa nomicoiaiton nocon Ifoan ato nomi shatuin afanan tsoa nominonma. Fonaincaifoanri ato ahuara shara inain piicani mayan sharanonfo.

Ascashu omitsiscacaquin nocon Ifo Diosin cunanifo isca huaquin, —Ifon, man non asain futsuicai. Nocon numapun, —ishon oiashcafinin cunaquin yoinifo. Asca huaifoan nocon Ifo Diosin ahuun tsainmansi fuu nishma huafain fuchomanhuanfiain afanancai furo inima nan ununhuan pusiquima racani.

Ascashon nocon Ifo Diosi cunanifo isca huaquin, —Ifon, man non omitsiscai naicai. Noco numapun, —ishon cunanifo. Ascaiton ato numani afanan omitsiscanonfoma.

Nanscai omitsiscacaquin nocon Ifo Diosi cunanifo isca huaquin, —Nocon Ifon, man non nai omitsiscaicain. Nocon numapun, —ishon cunanifo. Cunaquin asca huaifoan ato numani afanan omitsiscanonfoma.

Nanscara muucaquin nocon Ifo Diosi cunanifo isca huaquin, —Ifon, non fasi omitsiscaicain. Noco shinanfain noco numapun, —ishon yoiaifoan Ifo Diosin ato numani. Ato asca huaino afanancai tsoa omitsiscanifoma.