Popular Bible Verses from Hebreos 8

Share

“Un atohuun ramapaishquin. Chaca huafiainfoan un ato chaca soashofain un ato rau huashquin. Ascashocai chaca huafo cuscan un afanan afo shinanpacunacamaran,” ishon Diosin yoini.

“Un Israelifo yoishquiai cuscacai cunu fustihuunshon un ato tapimashquima. Ascatama aton nomuran uhuun tsain shara nanumafain aton nomuran cunui cafisca huaano. Nan un ato yonoai cuscacoin anonfo. Ascano un ato Upa Diosincoin iishquin. Nanfo uhuun yorafo iishcani.

Nantififain ua onancoinshcani. Yora ahuuamafoan ua onainfoanno niaifofoanri nansca huaquin ua onancoinshcani. Ascashon tsoa futsacai uhuunoa aton yora futsafo tapimashquicanima. Aafimain nantifiton ua onancoinyainfoan.”

Ascafia Upa Diosin yoini Moiséshuunshon ato yoifianicai tsoa ascacoinmisima. Ascashucai isharayamacain yoitimacoin imisifo. Ascacun nocon Ifo Diosin yoini isca huaquin, “Un chipo Israelifo nan Judápan ahuun funafori tsain funa shara futsa un ato yoishquin. Nan un ato sharacoin ashoai cuscan un ato tapimashquin.

Ascan nan Jesusfin Apa Dios niaifocoin icari afu icaquin. Ascashon non yopai cuscan nocohuunoa Apa yoipacushquin. Aafin noco yoishomisi niaifocoinquin. Nan icaricai tsoa futsan onihuanima. Dios fustiton nanri onihuani. Nanriashu nocohuunoa Apa fu tsaincacaini. Nan ica ari Dios fu tsainti pushu cuscaracoin. Ascano un mato cunushona cuscan nanfo man shafacafi tapi.