Popular Bible Verses from Génesis 8

Share

Ascano Diosin ahuun nohuu shutuni fasi sharayacoincun. Ascashu Noéqui fasi Diosin unimacoinni. Ascacun Diosin yoiyoni, —Uncai afanan yorafohuunshon mai chacanahuapanacama. Nan facuaitian yorafoti chacasi shinanmisifiacucai uncai afanan nantifi yora yafi yoinafo cuyoima un na rama aca cuscan. Nan mai cuyoataima icai cuscan fana ushufo yafi nan yonofo chituaifotian shana yafi matsicoin inonpacoin. Ascano nan oipacutian yafi faritian shafan yafi yamuri iishquiran, —ishon Diosin ato yoini.

Ascano shashohuan murannoashu cainta Noé toquirifo putsainiqui acamaquishon ina rututi huani Diosi inanshquin. Diosin ato numa cuscan ismashquin. Aqui fasi unimacoinquin Noé nansca huani. Yoinafo yafi nan inafo non puiyafori nan piatio cuscan futsa futsatapafo fusti rasi rutuni toquirifo putsamuinia camaquishon coanifo Diosi ismashquin.

Ascano Noé yafi nantifi yoinafo a fu ahuun shashohuan muran icafo Diosin atohuunoa shinanni. Ascashon Diosin unu fumancayan fuu fumani. Nan fuuhuanun unu nasha huaquin tau huani.

Man fari caino ruhui afanan aqui nasoni. Nasoquin nii puishta shuoshtamushon funi. Ascaiton oinquin Noé tapini man mai mutohuai.