Popular Bible Verses from Génesis 39

Share

Nocon Ifo Diosin ahuun Yoshin Shara José fu rafuni. Ascano José nan Egipcio Potifar yonomasharani. Ascashon ahuun pushu muranri imani.

Ascashon Potifar José yoini, —Nantifi uhuunafo cushusharahuu. Uhuun oinmati futsafoan min aton niaiforan, —ishon yoini. Potifarcai ahua shinannima nantifimain José cushushocun. Ahuun pushu anoshon pii fustini. José pushcohuai mutsisipa fuso sharayacoin ini.

Ascashon niaifoan yononi Josémain cunu murannoafo ato cushucun aton niaifo inon.

Ascashon José cunu muran iquimani. Atirifo niaifon Faraón iquimana muran nan muranri José iquimani. Nanno niaifo iquimafiano Diosin ahuun Yoshin Shara José fu rafucoinni. Diosin ahuun noicoinquin cunu murannoa niaifo Joséhuunoa shinansharamani.

Nantian Potifar ahuinin oinni José pushco mutsispa fuso sharayacun. Ascacun Potifar ahuinin José cunani, —U fu iquiyohuu, —ishon. Josécai a fu ipainima. Cumaquin isca huani, —Ua nicahuun. Nantifi ahuunafo min funun ua cushumani. Un nuno nantifi cushu anocai nanton ahua shinanma. Na mato pushu anocai ua tsoan finoanma. Ufin nantifi yonoaquin. Min fununcai ua ahuashta fishcoama. Mia fustifin min funun fiaquin. ¿Ahuuscaquimun un chaca huatioquin Diosi chaca huafain min funuri un chaca huatiroquin? —ishon yoini.

Ascano shafa futsa tsoa yamaino José pushu muran yonoi iquini. Ascaino Potifar ahuinin aqui ichotan ahuun camisanun achitoshini chotamapaiquin, —Ua chotahuu, —huafiaitocai José apaitama ahuun camisa aqui shorifainicai ichoni.