Popular Bible Verses from Éxodo 17

Share

Ascashon Moisés ahuun mucu rafu nai ari mushaino Israelifoan Amalecitafo ato rutuquin shuhuunnifo. Ascano Moisés ahuun poyan rafu atsanaquin fipapacufoannaino Amalacitafoan Israelifori ato rutuqui shuhuitanifo. Ascano Moisés ahuun poyan rafu atsanaiton oinquin Aarón futan Hurpan toquiri uhuapa fushonifo Moisés acamaqui tsaonon. Ascano Moisés tsao ano Aarón Moisés poyatani atsananonma. Ascano Hurpanri Moisés ahuun poyan ocuma futsa poyatani atsananonma. Nan fari caitishon ahuun poyan rafu nai ari Moisés mushan huani. Nannorimain nocon Ifo Diosi cufiainno Moisés atsananonma.

Nannoshon nan machi Horeb anoshon un mia manaicai. Min poquitinin na toquiri uhuapa tsacahuu. Min tsacaino toquiri murannoashu unu afanon nantifi min caifofoan ayanonfo, —ishon nocon Ifo Diosin Moisés yononi. Ascano nan niaifo patasharinoafoan ato ointaifi nocon Ifo Diosin yonoai cusca Moisés huani. Nan unu afataima Israelifoan Moisésqui tsain chipuaifo cusca Moisés nan mai ano anuni Meriba. Asca huatan Israelifoan yoinifo, —¿Nocon Ifo Diosi no fu ica iyamaraimun no fu icama? —ishon nannori yoinifo. Nan Israelifoan nocon Ifo Diosiqui tsain chipunifo. Nannori icaifoan oinquin nocon Ifo Diosin atoqui sinani. Ascano afanan Moisés na mai anuni Masahran huani.