Popular Bible Verses from Éxodo 15

Share

—Nan un mato yonoai cuscan ua man nicasharaitocai un mato nan Egipciofo pau futsa futsatapafo fuchimamisi cuscacai nan pau man fuchishquima. Unfin maton Ifoquin. Un mato caya huamashquiran, —ishon nocon Ifo Diosin Israelifo yoini.

Unfin nocon Ifo Dioshuunoa fanainquicain. Nantofin ahuun curushu ua inanfain ua numaquin. Nanfin uhuun upa ahuun Diosiquin. Nanrifin uhuun Diosiriquin. Un ahuunoa yoisharafain un nantifi yoi tsoa futsacai uhuun Diosi cuscarama.

Nan diosiran ishon rami huafocai dioscoinfoma. Afocai mia cuscarafoma. Tsoa futsacai mia cuscarama. Min fusti sharacoin. Mia cuscaracai tsoan oinyomisima. Min ahuamamishti huatiro. Min curushhuunshon ahuara huamisi cusca oinquin, “¡Aira! ¡Oincapon! Diosin acai cusca fasi sharacoinran,” ishon non yoitiro.

Nonfin min yorafoquin. Min noco numa non afanan Egipciofoan aton yonomatifo inonma. Minfin noco nantishotapiquin noipacunacaquin. Minfin noco tapimatiroquin nan non cai cusca. Min curushhuunshon mai sharacoin ano min noco iyoshquin. Nanno min no fu iishquin. Min no fu icaitian shara fustisi non ointiro.

Nan mai ahuun anu Mara ano nocoshon unu fuchifiafo fasi mocacoin ini. Tsoancai ayatiro inima. Ascashon nan mai anunifo Mara. Onicoinnin tsainman mocacoinran ishon anunifo. Ascano nantifi Israelifo Moisésqui fasi sinacoincaquin aqui tsain chipunifo. Ascashon yoinifo, —¿Natianmun non raquia unu ayaicain? —huanifo. Nantian Moisés nocon Ifo Diosi cufinquin isca huani, —¿Ifon, unmain ahuusca huatiroquin? Ua tapimahuun uhuun caifoan unu ayanonfo, —ishon nannori cufiainno. Nantian Diosin Moisés ihui poyan ismani. —Nan fishon unu muran potaino unucai afanan moca itamarocon fata sharacoin ishquiran, —ishon nocon Ifo Diosin yoini. Diosin yoia cuscan Moisés ihui poyan unu muran potaino unu fianananriscatani afanancai moca inima. Ascano nannoshon nocon Ifo Diosin Israelifo yoiquin isca huani ahuun tsainmain nicacanicain oinshquin nannori ato tapimani