Popular Bible Verses from Éxodo 10

Share

Ascano nocon Ifo Diosin Moisés yoini isca huaquin, —Unfin Faraón yafi ahuun niaifo patasharinoafo un aton nomuran curushmanicai un ahuamamishti huatiro cusca nantifi yorafoan oinonfo. Ascashon min non min caifofoanri un ahuamamishti huatiro oinquin maton facufo non mato funafori man ato tapimatiro. Min nantifi yoitiro un Egipciofo onaintimaiton minrifi oinquin min tapicointiro unmain maton Ifo Diosincufin. Ascacun un Faraón yoipaiyai cusca min ua yoishotiro. Faraón ano catahuun yoishquin, —ishon nocon Ifo Diosin Moisés yoini.

Ascatan afanan nocon Ifo Diosin Moisés yoini isca huaquin, —Min mucu nai ari mushanhuun. Min ascaino nantifi Egipcio mai ano faquishihuancoin inon. Ascara faquishcai tsoan oinyomisima. Egipcio mai anoshon nan faquish iishquiai cusca Egipciofoan oinshquicani. Moisés, min mucu mushanhuainifoanhuun min ascatapaiyaino faquishihuancucahuanon. Nan Egipciofo icafoti faquishihuanriscatashquin, —ishon Diosin yoini. Nannori nicatan Moisés ahuun mucu nai ari mushaino nantifi Egipciofoan aton mai ano osha rafu non fusti faquishihuancoin ini. Nantiancai tsoan ahuashta ointiroma ini. Aton pushu murannoashucai tsoanshta raqui catiro inima. Ascafiainocai Israelifo ato chaima icafoannocai faquish inima. Nan Israelifo icafoanno shafa shara ini.

Nannori nicatan Moisés ahuun poquiti Egipcio maihuuri susoni. Ascano nocon Ifo Diosin yononi fari oaiquirinoa ninhuunhuan curushupacoin Egipciofo mai ano noconon. Shafatishon non yamutishon fasi ninhuun huanon. Ascano funamarishta ninhuunhuanun ocutsurufo atoqui fumanon. Tsoancai Egipcio mai anoafoan ascara oinyomisifoma. Ascanocai afanan ascapacunacama. Nantifi Egipcio mai ano ocutsuruhuanfo noconi. Tsoancai ato tanan huatiro inima.