Popular Bible Verses from Efesios 5

Share

Manfin Diospan facufoquin. Fasi mato noicoin. Ascacun Upa Diosihuun caocahuun. Cristo nocohuun noicoinquin noco nashoni nocon chaca soashoshquin. Upa Diosin ahuun facuhuun fasi noicoinfia unimani futsafohuunoashu naiton oin. Ascano Criston noco noimisi cuscan marifi nantifihuun noicoinfafaincahuun.

Ascacun ¡Oinfain! Icoinsharacahuun. Diospan tsain tapiafoma cuscara iyamacahuun. Nan Diospan tsain cununi cuscacoin acahuun. Ascano natiantan nan icoinra huamafoan fasi ahuara chaca finonquin finacoincani. Ascacun nan man oiainti Dioshuunshon futsafohuun ramapaiquin ato shara huacahuun ato yoisharacoinfafaincahuun.

Ascashu paunyamacahuun. Pauncacaini man fasi chacacoin itiro. Pauncaquimarocon Diosin Yoshin Shara fu rafucain yonoshosharafafaincahuun. Ascatan Diospan tsain shara ichapa yoinonancahuun. Nocon shuni David fanain ini cuscan fanaincahuun. Diosihuunshon futsafo fanainshocahuun. Maton nomuranshon nocon Ifo shinancahuun. Ahuara ahuuscarafiaiton nocon Ifo Dios yoiquin isca huafafaincahuun, —¡Aicho! Noco Ifo Diosin, min ua shara huafafainiran, —ishon Upa Dios yoifafaincahuun. Nocon Ifo Jesucristohuunshon anori Upa Dios yoifafaincahuun.

Ascacun amaquiri shinanyamacahuun. Ascatamarocon Diosin mato amapaiyai cuscan nan fusti tapicahuun.

Ascan nocofunufoan maton ahuinhuun noicoincahuun. Cristo noco noiai cuscan huafain maton ahuinhuunri noicoincahuun. Non icoinra huafoti nocohuun noicoin Criston omitsiscacain noco nashoni nocon chaca soashoshquin ahuun yorafo non inon. Non ahuun tsain icoinra huaiton noco catonni nan chaca huayomisima cuscara noco imashquin.

Nan acaifo cuscan marifi man chaca huayopaonifiashon natian man Diospan facufo. Ascashu ahuunoashu shafacafi isharacahuun.

Cristo nicasharapaifain mafi rananri nicanonancoincahuun. Nantifi icoinra huafo ya asca huatanancahuun.

Ainfofoan man maton Ifon Jesús nicai cuscan huafain maton funuri nicasharacoincahuun.

Ascafiashu funufoan mafiri man noiai cuscan maton ahuinfohuun noicoincahuun. Ainfofoan maton funufohuunoari shinansharacoincahuun. Aqui tsain chipuyamafain ato nicasharacoincahuun.

Ascano Diosin tsain cunuquin isca huani, “Ascacun nocofunun ainfo fiashucai afanan apa yafi ahua fu itiroma. Apa yafi ahuamaqui pashcatiro ainfo fii. Ascashu nan oshati fusti muran afu itiro. Ascano nan fusti cuscararan,” ishon cununiquin.

Nan Jesús icoinra huamafoan chaca shinainfo cuscan atofu chaca huatananyamacahuun. Ascatamarocon icoinsharaquifin a chaca huaifo man ato oinmacointiro.