Popular Bible Verses from Deuteronomio 6

Share

Nocon Ifo Diosi maton shinanhuunshon fasi noicoinfain maton nomuran fasi noicoinfain maton curushhuunshon fasi noicoincahuun.

Maton facufo Diospan tsain shafatifi yoifafaincahuun. Maton pushu muranshon nocon Ifo Diosin mato yonoa cuscahuunoa ato yoicahuun. Nan fain caaquin yoifain nantianri afohuunoa yoifain racashon yoifain man funiaitianri ato yoifafaincahuun.

Un na shafatan mato yonoai cusca yoihuun isca huaquin, “Nocon Ifo Diosin ua yonoa cusca shafatifi un ashoincain. Uncai ahuara futsa shinanshquimaran,” ishon maton nomuran nannori shinancoincahuun.

Nicacapon Israelifoan, nocon Ifon Diosifin nocon Ifo fustiquin.

Diospan tsain maton mucuqui munushumucain mato fumananquiri funushumucahuun afo ointiaquimashcaquima.

Diosin mato yonoa cusca maton pushu shoi caincaiti ocuma rafu ahuun tsain cunucahuun.

Ascan nocon Ifo Diosi fusti icoinra huacahuun. Mato amapaiyai cusca shafatifi acahuun. Man futsa yoiai cusca mato icoinra huanon nocon Ifo Diosi ahuun anuhuunshon yoicahuun. Tsoa futsa ahuun anuhuunshon yoiyamacahuun mato icoinra huanon.

Nocon Ifo Diosin nocon shunifo Abraham non Isaac non Jacob yoiyoni mai shara ato inanshquin. Samamashta na mai ano mato iquimashquin. Nannocai pushurasi uhuapa sharafo man huama. Yora futsafoan aton pushu rasi ano tushu shara ichapa nanfocai man fanama. Nannori pozofo manricai aton quini huashonima. Aton fimifo nan uva yafi olivofocai man fanama. Ascacun oinfain. Mayancoinshocai afanan ahua man yopaima. Ascacun nantian nocon Ifo Diosi ointiaquimayamacahuun. Man Egipciofoan ato yonomati iyopaonitian nocon Ifo Diosin mato numani aton mai arishon nuno mato ihuua.

—Man samamashta nan mai shara nocon Ifo Diosin mato inainno man iquishquin matona inon. Ascan man iquiataima nocon Ifo Diosin mato yonoa cusca ua yoia un mato tapimanon man nocon Ifoan tsain tanasharanon. Ascano maton facufo non mato funafori man niyoshon nocon Ifohuunoa shinansharafain man ahuun tsain nicashara. Mato yonomisifoti man nicasharacun mato chai niimapacutiro.

Nocon Ifoan shinan cusca marifi nanscara shinancahuun. Ahuara cayacafi shara fusti acahuun. Man asca huaiton na mai shara ano man isharacain ahua chacacai matoqui nocoima. Nocon Ifo Diosin nocon shunifo yoiyoni cusca aton mai inanshquin. Ascano man nocon Ifo nicashara na mai shara ano man iquitiro. Mani futsafo nannoshon man potatiro matona nan mai inon. Nannori nocon Ifo Diosin yoini.

Nocon Ifo Diosin mato fu ica. Arus fusti mato Ifo itiro. Man ahuara futsafo man ifoaino Diosin matoqui sinashquin. Nan mai shara anoshon mato cuyoshquin.

Mani futsafo mato chaima icafoan afi rami huacashon uhuun diosiran ishon rami huafo tanayamacahuun.

Masah mai anoshocai man nocon Ifo Diosi icoinra huacoinnima. Nannoshon man yoini, “Nocon Ifo Diosi no fu ica iyamarai no furaca icama,” ishon man yoini. Afanan asca huayamacahuun.