Popular Bible Verses from 2 Samuel 22

Share

Min uhuun Diosin min uhuun toquirininhuan cuscaran. Toquiri uhuapacai tsoan shucatiroma. Nanscarifi ai min u fu icanocai tsoan mia shucatiroma uqui nocoshon ua chaca huashquin. Min uhuun cuno sapaqui pia iquitiroma cuscaran. Ascan minhuunshon ua chaca huapaifiacaquicai tsoan ua chaca huatiroma. Min ua numai min curushhuunoashu un isharanon. Cunu cuyacoin tarati huashu tsoa pushu rasi muran iquitiroma yorafo chaca huashquin. Nanscarifi ai min uhuun cunu cuyacoin cuscaran. Ascacun tsoan ua ahuusca huatiroma. Min ua numamisi. Yora pofufoan ua fasi chaca huaiton min ua numa ua ahuusca huanonfoma.

Ascan Diosin ahuara shara fustisi huai. Ifon, min yoiyomisi cuscan nantifi iconcoin. Tsoan mia yoiquin isca huai, “Ifon, ua cushusharapun,” ishon yoiaiton nan cuno sapaqui pia iquitiroma cuscan huaquin nocon Ifo Diosin ato cushushara. Nan noicasmaifoancai ato ahuusca huatiroma.

—Uhuun Ifo Diosin min uhuun cushumisicoincun. Un miqui ichotiro min ua cushunon. Min uhuun numamisi ahuara chacafoan ato oinmati un inonma.

Diosifin cunu cuyacoin pushu rasi tarati hua cuscaraquin. Ahuun curushhuunoashu noco noicasmaifocai nocoqui nocotiroma. Diosihuunoashu non isharatiro noco ahuusca huanonfoma.

Uhuun Ifon, min uhuun lampara cuscaran chashamashquin. Icon, Ifon, faquish muranri mian chashamashoshqui.