Popular Bible Verses from 1 Samuel 12

Share

Ascatari ointiaquimayamacahuun nocon Ifo Diosin ahuara shara mato ashoa cuscan. Nan nocon Ifo Diosi fusti nicasharacoincahuun nan mato yoia cuscan ahuun curushhuunshon ashofafaincahuun. Nan mato shara huamisi cuscan nanfohuunoa shinanfafaincahuun.

Nocon Ifo Diosin mato catonni ahuun yorafo man inon. Nan mato potainocai ahuunoa futsafoan shinansharashquima shinanquin isca huashquicani, “Diosicai mato numatiromaran,” ishon ahuunoa nannori yoishquicani. Nanscacucai mato potapacunacama ahuunoa shinanchacanonfoma.

Nannori yoiaifoan Samuel ato cumaquin isca huani, —Ratuyamacahuun. Man chaca huafiashon nocon Ifo Diosi cachiquiri huatamarocon nan mato yonoai cuscan huashocahuun. Ahuara futsa shinanyamacahuun. Unimayanan nan mato amapaiyai cuscan huashocoincahuun.

Nan nocon Ifo Dioscoin potayamacahuun. Dioscoinfoma tanayamacahuun. Nanfoancai mato numatiroma. Nanfocai ahuama. Nanfoanricai mato ahuara shara huamatiroma. Nanscarafofin ipaitsi rami huacashon nocon diosiran huamisifoquin.