Popular Bible Verses from Marcos 2

Share

Jesuuri cuno pueya sequesano tojirii. Nojori sequeree miriquiiri: —Jiyotuucaari maja na paniniu naarajona. Cante cusosuni, cuno cutaraari naarajona paniya. Majaari cua niniu quiquiaari maninia miijiacaacua. Niquiaari cutaranijia nia sequesano sesa miijiaca cua jiyanooniuria sesa nojori miijiosanojiniji.

Jesuuri cusosu patanaa pueya niquirii seetanujuanaa nocua tiuyano. Naaratej, Jesuuri cusosu sequeree: —Quiyanunaa, sesa quia miishanojiniji quia jiyanoorii taricuajanijia.

Jesuuri nojori sequequiaarijiuhuaj: —Pueyasoori samaatenu juuca shipiniquiaari pueyara. Maja cutaraari Pueyaso shipininiu quiquiaari pueya, samaatenu juucara.

Cusosu patanaari maja na naata tiaco tiuquitianu quiquiaari Jesuucua, puera pueya rerequeesacari tohuateyaji. Nocuaji nojoriiri tia cacojiria cusosu tacataquiaari tacatuhuoco. Nojoriiri tia nijinia cuhuataquiaari. Namitia Jesu nujuasaquijianaa cuhuataturee tiaari. Na nuhuaji, tia cuhuocojiniji, Jesuucua roshinitiasaareeri cusosu na matujinia.

Seetanujuanaa nia sequeyanijia, janiyari quiarijia nia niishitiniutianiyani, pueyano cua quishacari mijiria, naajaa, janiyari Pueyaso cumaaca jiitiaa sesa miijiaca cua jiyanooniuriani. Jiyacaritij, Jesuuri cumatacuruhuana cusosu sequeree: —Cua tojiri. ¡Quia sanere! Quia matu quia patare. Quia tiajinia quia quiaarohua.

¿Casaate jiyajenetashiya sequenurani: “Sesa quia miishano tari jiyanooshaaree”? ¿Mariyata jiyajenetateeri sequenurajuhuaj: “Quia sanere. Quia matu quia pataarohua”?

Cusosuuri ritia sanequee. Pueya niquiara na matu pataarohuari. Naaratej, pueyari jiuujiatequiaari. Pueyaso maniniuhuaqueetatureeri. Cuno pueyari naa sequetuquiaaritij, na shuquiritiasacari Pueyaso: —¡Majaari quenaaja pa niquiniu quiquiaari naa miishanotej!