Popular Bible Verses from 1 Tesalonicenses 5

Share

Pueyaracaanu nia shuquiririquia, Pueyaso pueya nia quiniuucua. Naajuhuaj, pueyaracaanu nia secojoriquia Pueyaso. Niaa jaara maninia miishaare, niaa jaara sesa miishaarejuhuaj, naajaa, puetunu naa nia miishaanuucuajanaa Pueyaso nia sequeriquia, “paacarasho”. Pueyasojuanaacuajaari naa paniya pa miiniuria, Jesucristo Sohuanu pa jiitianuucua poojiajinia.

Poojia cajitinia Pueyasojuanaa cuaara nia jeenucuaara juhuacarijia, tojetaarucuajanaa sesa miyashijiaca nia quiniuria pa Jiyaniijiaacuaji. Nojuaja cuaara naa cojuaara nia sohuanu, nioojia, nia cuaqueyanio, tojetaarucuajanaa soosoo nia quiniuria pa Jiyaniijia Jesucristo cuaara tiuquiriohuajaatijia. Cante nia saquiriojoquiaaricuaja na pueya nia quiniuriani, nojuajaari puetunu shusha cua sequesanojuanaa niajaniya miiniutianiya niaara. Nojuajaari maja na niishiniu na rupaa jatanu. Nojuaja cutaraari na sequesano miijia pueyaracaanu.

Naajuhuaj, tama nia cuaqueyajaaja nia cojuariquia maja nia naminiuria niarta pueyano, nojuaja jaara sesa miiriquia niajaniya. Saniniuujia, pueyaracaanu maninia nia miitiooriquia niarta Pueyaso pueyata. Naa nia miiriquia puetunu pueyajuhuaj.

Naaratej, pueyaracaanu nia cumaquitioojoriquia Pueyaso rupaata. Nia shiniujiutiooriquiajuhuaj, seetanujuanaa pa Jiyaniijia tojijiaca nia quiniuria, taa nia miiquiaacuaja tarini.

Nio nia tojirijiuhuaj cuarta Pueyaso pueyanaa. Taajecori nia nacasure. Noojia niquijiotejaca nia shiniujiuri, seetanujuanaa cumueeca Pueyaso pueya nojori quiniuria. Noo pojori nia cumaquiriquiajuhuaj, Satanás saniniujiushacari na cuaqueya miiniu panishano rejeretaashijiacatej. Majaari cuno pojori cartenu. Nia juaaniu nia rejeteriquia, maja quenaaja nia juaaniuria tamasacata.

Pueyasoori maja na saquiriojonu quiquiaari pajaniya na saniitiosocoriquiano. Pa saquiriojoquiaari cutaraari na jiyanooniuria pajaniya, na muerasu pa quiniuria, Neyanu Jesucristoocua tiuujiaca pa quishacari.

Puetunu niajaniyajanaacuajaari cuhuashiqui quijiaca. Pueyasojuanaacuajaari nioojiaca cuhuataquiaari. Majaari tari juhua ninishiqui quijiaca pueya pa quiniu.