Popular Bible Verses from 1 Samuel 17

Share

Davidri saniniuujia naa na riucuareecujua: —Quiaari cucua poya mueruu, cashana, caruhuanajaajanio. Janiya cutaraari cumaacaraca quijia cua Pueyasoocua cua tiuuniu neretaa quiocuani. Nojuajaari Israel pueya Pueyasocuaja, teyano pojori quia ruutaree quiocuaracuajanij.

Puetunu niya quiniaajanaari quiarijia niishiniutianiya Pueyasoori maja na tiuuniu mueruucua, cashanaacuanio. Canaa Pueyasojuanaari nia paraca. Nojuajaari naacua quiarijia canaa miaquejotenutaniya niajaniya.

Naacuatej, juurunu sareecuaji osoocuaji cua cojuano cua Pueyasocuajaari quiarijia cua cojuanutaniya nio Filisteocuajijuhuaj. Sauulri naacua David sequereequij: —Quia sanishiiqui. Quiaacuaja na sequeya. Pueyaso cuaara quia cojiiria.

Pueyasoori quiarijia quia jataree cua juaashiquiajinia. Naacua quiarijia quia monutaniyanijia. Janiyari quia nacatarohuani. Janiyari mopueeri tooquiotenutaniya quiarta Filisteocuaca shucuani, soorujurijaajanio. Puetunu jiyacajinia quijiaca pueyajanaari naacua niishiriquianotej Israel pueyari, nojori jiitiana Pueyasoraca.

Tama na natacajaaja ririiri. Samo jaatejajiniji maninia cinco cariyajaaca sai saquiriojoreejaariuhuaj. Na shuuquitiasano camajinia na niojoreeri. Jiyacari na jacutaja shoruque ririiri. Cuno Filisteocua canujiyareeri.

Davidri jiyacari Sauul sequeree: —Puetunu niya quiniaajanaani quenaaja niquiriyata cuaara cohuanashiyaquiiria cuno tahue Filisteo na puerenuucua. Janiya quia seruniqui, camarnunaa. Janiyari na saniniuucua sanenutaniyani.