Popular Bible Verses from 1 Corintios 3

Share

¿Majateeri nia niishiniu pueyanaa? Niaacuajaari Pueyaso quiquio, juhua na tia. Na Sohuanuuri nioojiacajinia quijia.

Majaari socua tamonu rupaa quiniu nocua pa tiuuniuria Pueyaso pueya pa quiniuria. Saaja Jesucristo rupaa cutaraari pa jatanijia Pueyaso pueya pa quiniuria. Janiyacuajaari na rupaa pohuataquiaari niajaniyani. Saa na rupaacuaja nia tiuushacari, niocua maninia quiri, juhua maninia morijiucuaacua tiasano tia, maja na matanura.

Naaratej, ¿casaateeri canaani; Apolo, janiyanio? Canaari Pueyasora poonijionaa narejani. Saa Pueyasojua cutaraari cumaacaraca. Saaja nojuaja cutara na naata pa tojitiniu na rupaa, seetanujuanaa na muerasu pa quiniuria.

Canaari mariyata Pueyasora poonijionaani. Niaari juhua Pueyaso nataacuaca nera. Niaari na muerasu cutara, maja canaa muerasu. Naajuhuaj, Pueyasoori juhua nia tiaa saitia, na quiquiorano. Saitia tiasacari, sairi coteenu cumaatia niojoshiya na morijiuria, maja tia matanura.

Cante socua Jesucristo rupaa niishitiojiya niajaniyani, cuno cuaara niishitiojoora jiyanohua maninia. Cuaara niyajetaaquiiria cutara, nojuajaari na niishitiojosanojiniji nequesoreesaanutaniya Jesucristo muetasacariuhua pocua, pa miishano na saniniujiuniuria juhua manitia. Puetunu niishishaanutaniyajanaari taa canaa niishitiojoriquiaa Jesucristo rupaani, maninia, sesa soj. Pa naata sequenu, canaa niishitiojosanoori juhua pueyano tiasano. Pueya jaara tiare orota, platatanio, shanohua saitianio, maniiri maja na naata na catijianu. Cante saniniuujia tiaree macacatani, tucurutajuhuaj, turequenacotanio, cunoori taraatia quiniutianiya na tia jaara sanishaare catijianu. Naaratej, pa niishiriojore, ¿pa rootasanote seetanujuanaa maninia?

Naacuajitij, paari niishiyani, cante natoojonani, cante mohuaca shiijiotanani, canaari mariyata saaja Pueyaso poonitijiosanoni. Pueyasocuajaari canaa niquitionutaniya na jiitiasano, nera canaa poonijionuucua. Cante socua poonijioreeni, Pueyasoori socua na jiitiasanojiniji na niquitionutaniya taajecori pueyajiniji.

Tama nia cuaqueyajaaja nia cojuare tamonu mariqui nia sapojoreeri. Cante tama na cuaqueyajaaja jiyaniya niishijiani, nojuaja naasucuaari niishijia saaja Pueyaso niishiyashijiaca niquiara. Cuno pueyano cuaara jataara cuno na niishishano juhua niishiyashijia na quiniuria narta pueya niquiara. Na nuhuaji, cuaara maseera Pueyaso niishitiaja, seetanu niishijia na quiniuriajanaa.