Popular Bible Verses from Njé gə́ Rɔmə 14

Share

Mbata ɓeeko̰ lə Ala lé wɔji dɔ nésɔ əsé nékai ba el, nɛ wɔji dɔ meekarabasur gə meelɔm gə rɔlel gə́ Ndilmeenda ar sí. Yeḛ gə́ ra né ar Kristi togə́bè ndá yeḛ taa kəm Ala ləm, a kuru meḛ dəwje’g njɔd ləm tɔ.

Mbata ɓó lé j’isi kəmba ndá j’isi kəmba mbata lə Mbaidɔmbaije ya, əsé lé j’wəi kara j’wəi mbata lə Mbaidɔmbaije ləm tɔ Bèe ndá lé j’wəi əsé j’isi kəmba kara n’to gə́ ka̰ Mbaidɔmbaije ya.

Yen ŋga ar sí n’saŋgje loo gə mba kɔm na̰’d ləm, gə mba kar rɔ sí ɔs na̰’d ləm tɔ.

Togə́bè ɓa maji kar síjeḛ n’gaŋgta dɔ na̰’d el. Nɛ maji kar sí wɔjije meḛ sí’g gə mba ra né kára kara gə́ a kila mar síje kag el ləm, əsé gə́ a kar dee tuga gɔl dee koso ne el ləm tɔ.

To gə́ ndaŋg mee maktub gə́ to gə kəmee lé pana: Neḛ lé n’to njesikəmba, Mbaidɔmbaije pa bèe, Ndá nana kara a kɔs no̰ kəjee naŋg no̰ neḛ’g ləm, Ta dəw gə́ rara kara a teḛ kula rɔnduba dɔ Ala’g ləm tɔ. Togə́bè ɓa nana kara mbuna sí’g a kaar no̰ Ala’g gə mba kula goo néje gə́ yeḛ ra lé tɔ.

Yeḛ gə́ ra tɔg dɔ meekun’g ləa el ndá waje gə́ rɔ sí’g ɓó maḭje na̰ ta dəa’g tareeje ne el.

See i to na̰ ɓa gə mba gaŋg rəwta dɔ kura’g lə mari wa. Lé yeḛ Aar tar əsé yeḛ oso kara to ta lə ɓéeje ba. Nɛ yeḛ a kaar tar jigiri ya mbata siŋgamoŋ lə Mbaidɔmbaije ɓa a kar ŋgirá ŋgəŋ tɔ.