Popular Bible Verses from Loo gə́ killa rea kəm Ja̰’g 3

Share

Aa oo, m’aar takəi’g m’unda ta bidi. Ɓó lé nana ɓa gə́ oo ndum ɔr takəi am ndá m’a kandə kəi ləa-yeḛ ləm, m’a ko̰ səa muru ləma, yeḛ kara a ko̰ səm muru ləm tɔ.

Ma m’gər néraije ya. Ma m’gər gao i lé to mán gə́ kul el ləm, i to mán gə́ wolé el ləm tɔ. Gə́ kul ɓa maji ləm, gə wolé ɓa maji ləm tɔ. Bèe ndá to gə́ i to mán gə́ to dujuru ba ɓó i kul el ləm, i wolé el ləm tɔ ndá m’a tɔmi naŋg.

Ma lé dəwje gə́ m’unda dee dan kəm’g ndá m’wɔji dee kəmkàr ləm tɔ. Bèe ndá ḭ gə rɔi rad, wa ndòo rɔi dɔ kaiya’g ləi.

Ma m’gər kula rai. Aa oo, siŋgai to yɔgɔ ɓəi ləm, i ra torndum ləma, i mbad rim el ləm tɔ. Bèe ndá m’ra rəw nɔḭ’g m’aree to tag bə̰dəŋ ndá dəw kára kara a kudu el tɔ.

Yeḛ gə́ a kun baŋga lé m’a karee si səm kalimbai’g ləm, to gə́ ma nja m’un baŋga m’isi ne gə Bɔm kalimbai’g ləa-yeḛ lé tɔ.

Mbata i ə̰ji ta məəi’g pana: I to gə́ bao ləm, i ar nébaoje taa rɔi pəl-pəl ləma, i aw ndòo né kára kara el ləm tɔ. Nɛ némeeko̰ rai ləm, kəmi to ndòo ləm, i si dan ndòo’g ləm, i to gə́ njekəmtɔ ləma, i aw gə kudi dum ləm tɔ nɛ i gər bèe el.

Ŋgəm gə́ i ŋgəm ta ləm ar məəi ai sam-sam dɔ’g lé bèe ɓa loo gə́ nékəmndoo a kḭ taa naŋg nee pəl-pəl mba naa ne dəwje dɔ naŋg nee ndá m’a to dərgeli ya.

Waga ɓa m’a ree ɓəi. Wa néje gə́ to jii’g lé kəgəgə mba kar dəw kára kara taa dɔgugu ləi el.

Teḛ kəmi ndá deḛ gə́ ta yoo dee nai tebdé bèe lé maji kari to gə́ kag gəd dee, mbata nérai lé m’oo gə́ né gə́ maji ɔr njoroŋ no̰ Ala’g el.