Popular Bible Verses from Pakɔsje 24

Share

Naŋg neelé gə néje lai gə́ to keneŋ ləm, Dɔ naŋg neelé gə dəwje gə́ d’isi keneŋ ləm tɔ lé Deḛ to ka̰ Njesigənea̰ nja kára ba.

See na̰ ɓa to mbai gə́ njedo̰gɔr-ronduba lé wa. Njesigənea̰ gə́ njeboo-néje, Aa ooje, yeḛ nja ɓa to mbai gə́ njedo̰gɔr-ronduba lé ya.

See na̰ ɓa askəm tuga dɔ mbal lə Njesigənea̰ wa. Esé see na̰ ɓa a kḭ kaw saar teḛ ne loo ləa gə́ to gə kəmee lé wa. Yeḛ gə́ jia àr ŋgad-ŋgad gə mée ndá londoŋ lé Yeḛ nja ɓa a kḭ kaw keneŋ, Yeḛ gə́ taŋgɔm tibi mbɔree el ləm, Yeḛ ubu rəa ər ne kəm loo el ləm tɔ.

See na̰ ɓa to mbai gə́ njedo̰gɔr-ronduba lé wa. Njesigənea̰ gə́ to njesiŋgamoŋ gə bao-rɔ ləm, Njesigənea̰ gə́ to njedumdɔloo loo-rɔ’g ləm tɔ lé Yeḛ nja ɓa gə́ mbai gə́ njedo̰gɔr-ronduba lé.