Popular Bible Verses from Pakɔsje 2

Share

Maji karm m’dəji neḛ ndá N’a kwa ginkoji dəwje gə raŋg karm gə́ nédɔji ləm, Ɓeeje gə́ d’ɔr rudu naŋg nee rɔd lé kara N’a karm gə́ ɓeeko̰ ləm ya ləm tɔ.

Maji kar sí ilaje koji dɔ ŋgon’g Nà banelə a ra oŋg Kar sí uduje ne bo̰ rəw-kaw sí’g. Mbata oŋg ləa nduba kalaŋ ya. Deḛ gə́ d’ɔm meḛ dee dəa’g lé D’isi gə rɔlel ya.

Mbaije gə́ dɔ naŋg nee d’wa dɔ gɔl rɔ dee ləm, Njéko̰ɓeeje kara d’ɔm sə dee na̰’d ləm tɔ D’ḭ ne gə Njesigənea̰ gə yeḛ gə́ yeḛ wa dəa gə ubu lé. Deḛ pana: Maji kar sí n’gaŋgje kúla lə dee rɔ sí’g ləm, Ar sí n’tije kúla lar lə dee gə́ d’wa sí ne lé ləm tɔ.

Bèe ndá ɓasinè seḭ mbaije lé, Maji kar sí njaaje gə kəmkàree! Seḭ njégaŋ-rəwtaje gə́ dɔ naŋg neelé Maji kar sí taaje tandoo tɔ. Maji kar sí raje né arje Njesigənea̰ Ɓəleje ne ləm, Alje rɔ sí ndəbje ne pəd-pəd nea̰’g ləm tɔ.