Popular Bible Verses from Jeremi 6

Share

Njesigənea̰ pa togə́bè pana: Undaje rɔ sí rəwje’g aaje loo ooje. Dəjije kila-rəwje gə́ ləw ooje, See rəw gə́ ra ɓa maji wa. Bèe ndá njaaje keneŋ Ndá seḭ a kiŋgaje loo-kwa-rɔ sí keneŋ! Nɛ deḛ d’ilá keneŋ pana: Jeḛ j’a njaaje keneŋ el.

Deḛ tɔ ta doo lə koso-dəwje ləm Gə goo rəbee el Ndá pana: Meelɔm! Meelɔm! Nɛ meelɔm godo

I dɔ naŋg neelé maji kari oo ta, Aa oo, m’a gə kar némeeko̰ ree Dɔ koso-dəwje’g neelé Gə goo kandə takə̰jije lə dee, Mbata deḛ d’ur mbi dee Dɔ taje’g ləm el ləm, Deḛ d’ə̰ji godndum bəḭ-bəḭ ləm tɔ.

See na̰ ɓa m’a kulá ta Esé see na̰ ɓa m’a karee To njekɔrgoota ləm kar dee d’oo wa. Aa ooje, mbi dee udu jig-jig D’askəm kur mbi dee koo ne ta el. Aa ooje, ta lə Njesigənea̰ Tel to gə́ nérɔkul mbata lə dee ləm, Rɔ dee lel dee keneŋ el ləm tɔ.