Popular Bible Verses from Jeremi 50

Share

Nɛ njekoga dɔ dee gə́ ria lə Njesigənea̰ gə́ njeboo-néje lé To njesiŋgamoŋ, Yeḛ a kaḭ rɔ mbata lə dee Gə mba kar ɓee to ne lɔm ləm, Gə mba kɔm ne ɓəl Dɔ deḛ gə́ d’isi Babilɔn ləm tɔ.

Koso-dəwje ləm tɔ koso-badje lé ndəm d’igi, Njékul deeje d’ar dee ndəm ləm, D’ar dee d’ila rima-rima Mbuna mbalje’g ləm tɔ. Deḛ d’ḭ dɔ mbalje’g d’aw dɔdərlooje’g D’ar meḛ dee wəi sel Dɔ loo-kaar deeje’g.

Njesigənea̰ pana: Mee ndəaje gə mee kàree’g neelé D’a saŋg néramajel lə Israɛlje Nɛ d’a kiŋga el ləm, D’a saŋg kaiya ra Judaje Nɛ d’a kiŋga kára kara el ləm tɔ. Mbata m’a kar məəm oso lemsé Dɔ ges deeje gə́ m’a kya̰ dee lé.