Popular Bible Verses from Ǝbrəje 8

Share

Mbata məəm a koso lemsé dɔ néra dee gə́ ndɔji pɔdɔdɔ’g ləm, M’a kar məəm olé dɔ kaiyaje’g lə dee nda̰ el ləm tɔ.

Aa ooje, man gə́ m’a man rɔm kar gel-bɔje lə Israɛlje Loo gə́ ndɔje neelé dəs mba̰ ɓa nee: M’a kula godndumje meḛ dee’g ləm, M’a ndaŋg dee dɔɓəŋgərə dee’g ləm tɔ. Mbaidɔmbaije ɓa pa bèe. N’a to Ala lə dee ləm, Deḛ kara d’a to koso-dəwje neḛ ləm tɔ.

Dəw kára kara a ndoo maree əsé ŋgokea̰ pana: Maji kar sí gərje Mbaidɔmbaije, a pa bèe el ŋga, Mbata deḛ lai d’a gərm təsərə, Un kudee dɔ dəwje gə́ gɔ-gɔ saar teḛ ne dɔ deḛ gə́ boo-boo mbuna dee’g ya.

Mbata Mbaidɔmbaije oo Israɛlje gə́ njétareeje ɓa yeḛ ula dee pana: Aa ooje, mee ndəa gə́ kàree a gə teḛ lé M’a man rɔm sigi kar ɓee lə Israɛl gə ɓee lə Juda lé Mbaidɔmbaije ɓa pa bèe.

Ŋgaw dan ta gə́ jeḛ m’pa lé ɓa nee: Ŋgɔ-njekinjanéməs lə sí lé si gən, yeḛ si dɔ jikɔl Bao gə́ njesisémdara gə́ si kalimbai’g dan dara’g dana bab.