Popular Bible Verses from Ǝbrəje 10

Share

Njé gə́ na̰je lal kwa dɔ na̰, nɛ maji kar sí n’raje to gə́ deḛ ra el. Nɛ maji kar sí j’ulaje diŋgam meḛ na̰’d unda nje gə́ kédé mbata seḭ ooje ndɔ gə́ boo lé si aw gə́ nee dəb ya.

Tɔɓəi ar sí j’ə̰ji tor na̰ gə mba kɔs kudu na̰ dɔ nojikwa’g ləm, gə dɔ kula ra gə́ maji’g ləm tɔ.

Meḛ sí gə́ j’unda yel gə́ dəa’g lé ar sí j’aarje keneŋ njaŋg ɓó j’awje ne yo-yo nee-nee el mbata yeḛ gə́ un ndia ar sí lé to gə́ njemeenda londoŋ ya.

Mbata kai meḛ sí sam-sam ɓa gə́ kuma̰ mba kar loo gə́ seḭ raje torndu Ala areeje ɔr rɔd mba̰ ɓa seḭ a kiŋgaje ne né gə́ yeḛ un ndia mba kar sí lé ɓəi.

ndá ar sí n’rəm pər gə́ rəa’g gə meḛ sí gə́ kára ba bərəŋ ləm, gə meekun gə́ doŋgɔ ləm, ar sí j’ar né gə́ yèr gə́ rara kara godo meḛ sí’g mba kar sí j’aar ne gə meekaar kərm el ləma, ar sí n’togo rɔ sí gə mán gə́ àr yal-yal ləm tɔ.

Bèe ndá né gə́ seḭ ndaje meḛ sí kaḭ dɔ’g lé ya̰je gée yɔgɔ el, yee neelé to né gə́ gadee dum loo ya.

Jeḛ gə́ kəm sí inja dɔ kankəmta’g mba̰, ɓó lé jeḛ n’sula rɔ sí sɔgɔ dan kaiya’g lə sí gogo ndá nékinjaməs gə́ raŋg gə́ ka̰ kuga kaiya lé godo. Nɛ néngina gə́ to ɓəl kədm-kədm gə́ to rəwta-gaŋg lé ləm, gə pər gə́ o̰ bilim-bilim gə́ a gə kuba njékaltaje naŋg bus roo dee ne ləm tɔ.